Qazaqstanda turǵyndardy virýsty gepatitten tegin emdeý úshin oǵan qarsy bes túrli preparat pen ekpe satyp alýǵa biyl 2,7 milliard teńge bólinbek, - dep habarlady densaýlyq saqtaý ministrliginiń baspasóz qyzmeti.
Ministrlik aqparaty boiynsha, Qazaqstandy virýsty gepatitti emdeý mańyzdy bolǵandyqtan, 2018 jyly bul aýrýdy emdeýge bólingen qarjy burynǵy jyldyrmen salystyrǵanda 3,6 esege artqan. Virýsty gepatitti emdeý úshin jyl saiyn «Peginterferon alfa 2b» jáne «Ribavirin» preparattary satyp alynady. Al biyl buǵan qosa «Tenofovir», «Sofosbývir»jáne «Daklatasvir» preparattary satyp alynbaq.
Bul dáriler IýNISEF-pen jasalǵan kelisim jáne BUU baǵdarlamasy boiynsha jetkizilmek.
Densaýlyq saqtaý ministrligi buǵan qosa biyl sozylmaly V gepatiti virýsyn juqtyrýdyń jáne odan paida bolatyn baýyr tsirrozy men baýyr qaterli isiginiń aldyn alý úshin 445 myńnan astam ekpe satyp alynatynyn aitady.
