Qazaqstannyń ár oblysynda kóterme-bólý ortalyqtary salynady. Ol jemis-jidek pen kókónisti tikelei aýyl sharýashylyǵy taýaryn óndirýshilerden satyp alýǵa múmkindik beredi. Bul týraly búgin ulttyq ekonomika ministri Rýslan Dálenov málimdedi, dep habarlaidy Sputnik Qazaqstan.
"Qazir kóterme-bólý ortalyqtaryn salý jáne olardyń jumysyn uiymdastyrý jobasy júzege asyp jatyr. Bul jańa dúnie. Árbir oblysta osyndai ortalyq salý josparlanyp otyr. Bul jemis-jidek pen kókónisti aýyl sharýashylyǵy taýaryn óndirýshilerden tikelei, tómen marjamen, deldalsyz satyp alýǵa jáne azyq-túlik qymbattaǵan kezde taýar interventsiiasyn júrgizýge múmkindik beredi", - dedi Dálenov OKQ-de ótken baspasóz máslihatynda.
Ministr ortalyqtardy, ókinishke qarai, tez arada salyp bitirý múmkin emes ekenin aitty. Biraq, barlyq oblysta qazir qurylys qarqyndy júrip jatyr.
"Biraz óńirde bul ortalyq kúzde jumysyn bastaidy dep boljap otyrmyz. Odan keiin olar taýar interventsiiasyn júrgize alady", - dedi ol.
Sondai-aq, Dálenov bazarlardaǵy azyq-túlik baǵasyn qazir de ózi baqylap, qarap júrgenin aitty.
"Bazar aralap, baǵany baqylap júrmin. Bul ákimdiktermen birlesip atqarylatyn jumys. Ákimdikterde shekti baǵa belgileý siiaqty tetikter bar, turaqtandyrý qorlary jumys isteidi. Bizdiń ministrlikke azyq-túlik baǵasyna qatysty azamattardan aryz-shaǵym túsip jatyr. Qazir taldaý júrgizýdemiz. Múmkin, men muny qatty baiqatyp júrgen joq shyǵarmyn, biraq másele turaqty baqylaýda", - dedi ministr.
