Saýda ministrligi alkogol men temeki ónimin satýǵa qatysty ishki saýda erejelerine ózgeris engizdi, dep habarlaidy "Ult aqparat" ministrliktiń baspasóz qyzmetine silteme jasap.
19 tamyzda Saýda jáne integratsiia ministrligi «Ishki saýda qaǵidalaryn bekitý týraly» QR Ulttyq ekonomika ministriniń m.a. 2015 jylǵy 27 naýryzdaǵy № 264 buiryǵyna ózgertti.
Eske sala ketsek, QR Halyq densaýlyǵy jáne densaýlyq saqtaý júiesi týraly kodeksiniń 110-babyna sáikes alkogol ónimderi men temeki buiymdaryn, (qorqorǵa arnalǵan temekini, qorqor qospasy) satýshy satyp alýshydan jeke basyn kýálandyratyn qujatty kórsetýdi talap etýge, eger qujat usynylmaǵan jaǵdaida atalmysh taýardy satýdan bas tartýǵa quqyly.
Ministrlik baspasóz qyzmetiniń habarlaýynsha, jańa kodeks qabyldanǵannan keiin alkogol men temeki ónimin satyp alý kezinde barlyq satyp alýshyǵa jeke basyn kýálandyratyn qujattyn usyný qajettiligine bailanysty azamattardyń shaǵymy jiilep ketken.
«Kodeks boiynsha barlyq satyp alýshy satýshy onyń jasyn anyqtaý úshin jeke basyn kýálandyratyn qujatyn usynýǵa mindetti. Eger qujatty teksergennen keiin satyp alýshynyń jasy 21 jastan asqan bolsa, tek osy jaǵdaida satýshy taýardy satady», delingen habarlamada.
Alkogol men temekini satyp alýshynyń 21 jasqa tolǵanyna satýshynyń kúmáni bolǵan jaǵdaida ǵana jeke basyn kýálandyratyn qujatty talap etedi.
