ساۋدا مينيسترلٸگٸ الكوگول مەن تەمەكٸ ٶنٸمٸن ساتۋعا قاتىستى ٸشكٸ ساۋدا ەرەجەلەرٸنە ٶزگەرٸس ەنگٸزدٸ, دەپ حابارلايدى "ۇلت اقپارات" مينيسترلٸكتٸڭ باسپاسٶز قىزمەتٸنە سٸلتەمە جاساپ.
19 تامىزدا ساۋدا جەنە ينتەگراتسييا مينيسترلٸگٸ «ٸشكٸ ساۋدا قاعيدالارىن بەكٸتۋ تۋرالى» قر ۇلتتىق ەكونوميكا مينيسترٸنٸڭ م.ا. 2015 جىلعى 27 ناۋرىزداعى № 264 بۇيرىعىنا ٶزگەرتتٸ.
ەسكە سالا كەتسەك, قر حالىق دەنساۋلىعى جەنە دەنساۋلىق ساقتاۋ جٷيەسٸ تۋرالى كودەكسٸنٸڭ 110-بابىنا سەيكەس الكوگول ٶنٸمدەرٸ مەن تەمەكٸ بۇيىمدارىن, (قورقورعا ارنالعان تەمەكٸنٸ, قورقور قوسپاسى) ساتۋشى ساتىپ الۋشىدان جەكە باسىن كۋەلاندىراتىن قۇجاتتى كٶرسەتۋدٸ تالاپ ەتۋگە, ەگەر قۇجات ۇسىنىلماعان جاعدايدا اتالمىش تاۋاردى ساتۋدان باس تارتۋعا قۇقىلى.
مينيسترلٸك باسپاسٶز قىزمەتٸنٸڭ حابارلاۋىنشا, جاڭا كودەكس قابىلدانعاننان كەيٸن الكوگول مەن تەمەكٸ ٶنٸمٸن ساتىپ الۋ كەزٸندە بارلىق ساتىپ الۋشىعا جەكە باسىن كۋەلاندىراتىن قۇجاتتىن ۇسىنۋ قاجەتتٸلٸگٸنە بايلانىستى ازاماتتاردىڭ شاعىمى جيٸلەپ كەتكەن.
«كودەكس بويىنشا بارلىق ساتىپ الۋشى ساتۋشى ونىڭ جاسىن انىقتاۋ ٷشٸن جەكە باسىن كۋەلاندىراتىن قۇجاتىن ۇسىنۋعا مٸندەتتٸ. ەگەر قۇجاتتى تەكسەرگەننەن كەيٸن ساتىپ الۋشىنىڭ جاسى 21 جاستان اسقان بولسا, تەك وسى جاعدايدا ساتۋشى تاۋاردى ساتادى», دەلٸنگەن حابارلامادا.
الكوگول مەن تەمەكٸنٸ ساتىپ الۋشىنىڭ 21 جاسقا تولعانىنا ساتۋشىنىڭ كٷمەنٸ بولعان جاعدايدا عانا جەكە باسىن كۋەلاندىراتىن قۇجاتتى تالاپ ەتەدٸ.
