Ortalyq kommýnikatsiialar qyzmetinde ótip jatqan brifingide QR Premer-Ministriniń orynbasary – Saýda jáne integratsiia ministri Baqyt Sultanov pen Aýyl sharýashylyǵy ministri Erbol Qarashókeev qantty qanshalyqty jii qoldanatynyn aitty , dep habarlaidy QazAqparat.
«Jalpy «qant joq» dep aita berýge bolmaidy. «Halva, halva» degennen aýzyńa tátti dám kelmeidi» degen sóz bar ǵoi. Sol siiaqty «joq-joq» degen saiyn halyq senip, dúrbeleń týady. Óz basym jýyqta ǵana iri saýda jelisine baryp, bir keli qantty 470 teńgege satyp aldym. Ol kezde sondai baǵa bolǵan. Qazirgi aqparat boiynsha baǵa 480 teńge bolypty. Ony kórip-bilip otyrmyn. Men ózim shai ishkende qant qoldanbaimyn, balmen ishem», - dedi Sultanov.
Al Erbol Qarashókeevke odan sál qymbat qant buiyrǵan kórinedi.
«Sońǵy ret qanttyń kelisin úlken bir saýda júiesinen 620 teńgeniń kóleminde satyp aldyq. Al 1000 teńgeden úilerdiń astyndaǵy shaǵyn dúkenderde satylyp jatyr. Olar kóterme baǵamen satyp ala almaidy. Sondyqtan ekinshi, úshinshi qoldan alyp, osyndai baǵamen jatyr. Sonda sońǵy ret qantty 620 teńgeden satyp aldym. Shaidy qantsyz ishemin», - dedi Aýyl sharýashylyǵy ministri.
Buǵan deiin Úkimettiń keńeitilgen otyrysynda Memleket basshysy Qasym-Jomart Toqaev qant tapshylyǵyn rettei almaǵan Saýda jáne integratsiia ministri Baqyt Sultanov pen Aýyl sharýashylyǵy ministri Erbol Qarashókeevke sógis jariialaǵan edi.
