Foto: © ErSi Avtotreid
Indýstriia jáne infraqurylymdyq damý ministri Marat Qarabaev jeńildetilgen avtokólik nesiesiniń jańa sharttaryn túsindirdi, - dep habarlaidy Tengrinews.kz.
Májilis kýlýarynda ministr jeńildetilgen avtonesie baǵdarlamasynyń sharttaryn ózgertý týraly suraqqa jaýap berdi. 2 mamyrda baǵdarlama qaita qaralatyny belgili bolǵan. Jýrnalister ministr Qarabaevtan qazaqstandyqtar baǵdarlamanyń jańa sharttaryna bailanysty aldanyp qalamai ma dep surady.
"Esh jaǵdaida aldaýǵa qatysy joq. Birinshiden, bul - baǵdarlamany odan ári jetildirý qajettiliginen týyndap otyr. Ózderińiz jaqsy bilesizder, jalpy, qazir Ulttyq banktiń bazalyq mólsherlemesi – 16 paiyz, bul jaǵdaida 4 paiyzdyq avtonesie - jaqsy paiyzdyq mólsherleme. Sondyqtan, bul paiyzdyq baǵdarlama aitarlyqtai tabysty jáne baǵdarlamany jetildirýge bet buryp jatyrmyz. Talaptardyń biri, basqalarymen qatar, dál osyndai bastapqy jarna boldy", - dedi Qarabaev jýrnalisterdiń suraqtaryna jaýap bere otyryp.
Ministr baǵdarlamaǵa qatysýdyń jańa talaptary 15 mamyrǵa deiin jariialanatynyn aitty.
"Árkimniń qatysýǵa quqyǵy bar, baǵdarlamany odan ári jetildirý qajettiligi bar. Biz belgili bir mólsherden joǵary jalaqy alatyndar baǵdarlamaǵa qatysa almaityndai eń joǵary jalaqy shegin belgileimiz. Qarap jatyrmyz, zerttep jatyrmyz, 15 mamyrǵa deiin jariialaimyz. Barlyq ózgeris baǵdarlamany kelesi iske qosqanda kúshine enedi", - dep túsindirdi ol.
Marat Qarabaev baǵdarlamanyń operatory Ónerkásipti damytý qory ekenin eske saldy.
"Biz usynǵan tetikter ádiletti dep esepteimiz. Sondyqtan, bul mehanizmdi ilgeriletip jatyrmyz, praktikalyq usynystar bolsa, talqylaýǵa daiynbyz", - dep túiindedi sózin indýstriia jáne infraqurylymdyq damý ministri.
Eske salaiyq, jeńildetilgen avtonesie baǵdarlamasyna birden tórt tarmaq boiynsha ózgerister engizý josparlanǵan. Alǵashqy tarmaqtardyń biri – avtokólik úshin bastapqy jarnany engizý.
