QR Indýstriia jáne infraqurylymdyq damý ministri Qaiyrbek Óskenbaev jeńildetilgen avtonesie baǵdarlamasyn júzege asyrý boiynsha qosymsha tapsyrma berdi, dep habarlaidy QazAqparat.
Bul týraly QR Indýstriia jáne infraqurylymdyq damý ministrliginiń baspasóz hatshysy Janjigit Omarhan habarlady.
«Dostar, ózderińizge málim, qazirgi tańda jeńildetilgen avtonesie baǵdarlamasy qoǵamda qyzý talqylanyp jatyr. Qalyptasqan ahýal jaily QR Indýstriia jáne infraqurylymdyq damý ministrliginiń basshylyǵy habardar. Týyndaǵan máselege jan-jaqty saraptama jasalyp otyr. Ministr Qaiyrbek Óskenbaev jaýapty tulǵalar men mekemelerge atalmysh jaǵdaiǵa bailanysty túsinikteme berýdi jáne qabyldanǵan sharalar men sheshimderdi jariialaýdy tapsyrdy» , — dedi Janjigit Omarhan.
Sondai-aq, QR IIDM óz tarapynan baǵdarlamanyń erejesi men onyń iske asýy týraly qajetti bazalyq málimetti daiarlaǵanyn atap ótti.
Baǵdarlamany odan ári júzege asyrý quqyǵy «Ónerkásipti damytý qory» men avtokólik óndirýshiler, riteiler men ekinshi deńgeili bankterge berilgen.
Atalǵan uiymdar bekitilgen baǵdarlamanyń erejesine sáikes jumys isteidi.
