Densaýlyq saqtaý ministri Aleksei Tsoi «Spýtnik V» vaktsinasyn óndirýdi nege Qaraǵandydaǵy zaýytqa tapsyrylǵanyn túsindirdi, dep habarlaidy "Ult aqparat".
«Áleýmettik jelide bul máseleni qozdatatyndar kóp. Kez kelgen isten, barlyq jerde qandai da bir astar, sebep izdep júredi. Men sizge naqty aitaiyn. Tańdaý nege Qaraǵandydaǵy farmatsevtikalyq zaýytqa tústi? Óitkeni Qazaqstanda biologiialyq preparat shyǵaratyn jalǵyz zaýyt sol. Qazaqstanda túrli zaýyttar bar. Biraq olar tabletkalar, himiialyq zattar shyǵarady. Al tiri biologiialyq preparat shyǵaratyn zaýyt bizde bireý ǵana. Ol naryqta 5 jyldan beri jumys istep keledi. Biz olardan osy iske atsalysýdy ózimiz suraǵanbyz. Tipti májbúrlegendei boldyq», - deidi Alesei Tsoi.
Ministrdiń málimetinshe, oǵan deiin Qaraǵandydaǵy farmatsevtikalyq zaýyt onkologiiaǵa qajet biologiialyq preparat shyǵaryp turǵan.
«Bizdiń qazir Gamaleia institýtynyń sýbstantsiiasy negizinde vaktsina jasap otyrǵanymyz sáttilik deýge bolady. Qazir álem naryǵynda vaktsina erkin saýdada joq. Sondyqtan bul jerde eshqandai konspirologiialyq ymyralasý joq. Óitkeni biologiialyq preparat shyǵaratyn jalǵyz zaýyt osy. Eger birneshe osyndai zaýyt bolǵanda basqa alańdy tańdaýymyz da múmkin edi», - dedi vedomstvo basshysy.
