Densaýlyq saqtaý ministri Aleksei Tsoi «Spýtnik V» vaktsinasyn alǵannan keiin kóz jumǵan qazaqstandyqtar týraly pikir bildirdi, dep habarlaidy "Ult aqparat".
«Vaktsinasyz virýs juqtyrýdyń jáne onyń saldaryn tartýdyń qateri vakina alǵannan myń ese kóp. Vaktsinadan kelýi múmkin táýekel óte tómen. Oqiǵalardyń sáikes kelý bar qazir. Vaktsina alǵannan keiin azamattar kóz jumǵan. Midaǵy aqparat boiynsha sońǵy protsedýra vaktsina bolǵandyqtan, sonyń kesirinen qaitys boldy dep oilaidy bári. Jaǵdailardyń árqaisysyn komissiia jeke-jeke qarap, vaktsina men ólimniń arasynda qandai da bir bailanys bar ma degen suraqqa jaýap izdep jatyr. Jai ǵana mysal úshin sizge mynany aitqym keledi. Koronavirýsqa deiin, kún saiyn elimizde 5 adam insýltten, 7 adam infarktan óletin. Qazir kún saiyn vaktsina alýshylardyń sany artyp jatyr. Iaǵni yqtimaldyq múmkindigi artyp keledi», - dedi vedomstvo basshysy.
Ministri kún saiyn vaktsina almasa da, birneshe adam qan qysymynan, kúizelis jaǵdaiynan, tuqym qýalaityn aýrýdan kóz jumatynyn eske saldy.
«Osyndai jaittar vaktsina alý sátimen sáikes kelip qalady. Biz dáriger retinde ár oqiǵany zertteimiz. Eger ólimniń vaktsinamen qandai da bir bailanysy bolsa, toqtata turýǵa nusqaý beretin edik. Biraq dál qazir tikelei sebep joq ekenin kórip otyrmyz. Osyny túsiný kerek. Bireý onkologiiadan, bireý qant diabetinen ketip jatady», - dedi Aleksei Tsoi.
Sonai-aq, ol Qazaqstanda 2 mln adam vaktsina alsa, sonyń ishinde 820 adam virýs juqtyrǵanyn aitty.
«Birinshiden olar aýrýdy óte jeńil ótkergen. Óitkeni vaktsina immýnitetti qorǵaidy. Ekinshiden, onyń úlesi – 0,03 paiyz ǵana. Bul óte az. «Spýtnik V» vaktsinasynyń eń joǵary tiimdiligi 92 paiyz dep jariialandy. Iaǵni, ekpe alǵan 100 adamnyń segizi qandai da bir paidaly áser almaýy múmkin nemese vaktsina alsa da, aýyryp qalýy múmkin degen sóz. Al qazir bizde vaktsina alǵandardyń 0,03 paiyzy ǵana aýyrǵan. Iaǵni vaktsinalaýdyń tiimdiligi joǵary, oń áser etip jatyr deýge bolady», - degen ministr álemde reseilik tehnologiiamen jasalatyn vaktsinany 30 el qabyldap jatqanyn basa aitty.
«Dál qazirgi sátte «Spýtnik V» adam óltirgenin kórip otyrǵan joqpyz. Bizden bólek álemniń 30 elinde 100 millionnan astam adam osy vaktsinany aldy. Ázirge qaiǵyly jaǵdailardyń bir de bireýinde vaktsinamen tikelei bailanysy bar ekeni anyqtalǵan joq. Sondyqtan dál qazir bul vaktsina tiimdi ári qaýipsiz», - dedi Aleksei Tsoi.
