Aýyldyq eldi mekenderdi aýyzsýmen qamtýdyń eń tómengi deńgeii Qostanai jáne Soltústik Qazaqstan oblystarynda tirkelgen. Bul týraly búgin Úkimet otyrysynda Indýstriia jáne infraqurylymdyq damý ministri Qaiyrbek Óskenbaev aitty, dep habarlaidy QazAqparat.
«Memleket basshysy halyqqa arnaǵan Joldaýynda 2025 jyly sapaly aýyz sýǵa qoljetimdilikti 100 paiyzǵa jetkizýdi tapsyrdy. Bul tapsyrmany oryndaý «Qýatty óńirler – el damýynyń draiveri» Ulttyq jobasy aiasynda josparlanǵan. Byltyr elimizde sýmen jabdyqtaý qyzmetterimen qamtamasyz etý 96 paiyzdy, onyń ishinde qalalarda – 98,1 paiyzdy, aýyldarda 93 paiyzdy qurady», - dedi ministr.
Ol jekelegen óńirlerde artta qalýshylyq baiqalatynyn da atap ótti. Aýyldyq eldi mekenderde aýyzsýmen qamtýdyń eń tómengi deńgeii Qostanai jáne Soltústik Qazaqstan oblystarynda saqtalǵan. Qalalyq jerdi sýmen jabdyqtaý qyzmeti Jambyl oblysynda kóńil kónshitpeidi.
«Sýmen jabdyqtaý qyzmetterimen Soltústik Qazaqstan, Mańǵystaý, Atyraý jáne Qyzylorda oblystarynyń qala turǵyndary 100 paiyz qamtylǵan. Aýyldyq eldi mekenderdi atalǵan qyzmetpen qamtamasyz etý boiynsha kóshbasshylar qatarynda Almaty, Atyraý, Qyzylorda jáne Mańǵystaý oblystary bar», - dedi Qaiyrbek Óskenbaev.
