اۋىلدىق ەلدٸ مەكەندەردٸ اۋىزسۋمەن قامتۋدىڭ ەڭ تٶمەنگٸ دەڭگەيٸ قوستاناي جەنە سولتٷستٸك قازاقستان وبلىستارىندا تٸركەلگەن. بۇل تۋرالى بٷگٸن ٷكٸمەت وتىرىسىندا يندۋسترييا جەنە ينفراقۇرىلىمدىق دامۋ مينيسترٸ قايىربەك ٶسكەنباەۆ ايتتى, دەپ حابارلايدى قازاقپارات.
«مەملەكەت باسشىسى حالىققا ارناعان جولداۋىندا 2025 جىلى ساپالى اۋىز سۋعا قولجەتٸمدٸلٸكتٸ 100 پايىزعا جەتكٸزۋدٸ تاپسىردى. بۇل تاپسىرمانى ورىنداۋ «قۋاتتى ٶڭٸرلەر – ەل دامۋىنىڭ درايۆەرٸ» ۇلتتىق جوباسى اياسىندا جوسپارلانعان. بىلتىر ەلٸمٸزدە سۋمەن جابدىقتاۋ قىزمەتتەرٸمەن قامتاماسىز ەتۋ 96 پايىزدى, ونىڭ ٸشٸندە قالالاردا – 98,1 پايىزدى, اۋىلداردا 93 پايىزدى قۇرادى», - دەدٸ مينيستر.
ول جەكەلەگەن ٶڭٸرلەردە ارتتا قالۋشىلىق بايقالاتىنىن دا اتاپ ٶتتٸ. اۋىلدىق ەلدٸ مەكەندەردە اۋىزسۋمەن قامتۋدىڭ ەڭ تٶمەنگٸ دەڭگەيٸ قوستاناي جەنە سولتٷستٸك قازاقستان وبلىستارىندا ساقتالعان. قالالىق جەردٸ سۋمەن جابدىقتاۋ قىزمەتٸ جامبىل وبلىسىندا كٶڭٸل كٶنشٸتپەيدٸ.
«سۋمەن جابدىقتاۋ قىزمەتتەرٸمەن سولتٷستٸك قازاقستان, ماڭعىستاۋ, اتىراۋ جەنە قىزىلوردا وبلىستارىنىڭ قالا تۇرعىندارى 100 پايىز قامتىلعان. اۋىلدىق ەلدٸ مەكەندەردٸ اتالعان قىزمەتپەن قامتاماسىز ەتۋ بويىنشا كٶشباسشىلار قاتارىندا الماتى, اتىراۋ, قىزىلوردا جەنە ماڭعىستاۋ وبلىستارى بار», - دەدٸ قايىربەك ٶسكەنباەۆ.
