Búgin Úkimet otyrysynda QR Ulttyq bank tóraǵasy Erbolat Dosaev teńgeniń álsireýine ne áser etkenin aitty, dep habarlaidy "Ult aqparat".
«Álemde COVID-19 jaǵdailarynyń ulǵaiýyna bailanysty teris táýekel-sentiment damýshy naryqtardyń, onyń ishinde QR valiýtasy men naryǵyna qysym kórsetýdi jalǵastyrýda. Osy jylǵy sáýirde beirezidentter QR memlekettik baǵaly qaǵazdaryndaǵy pozitsiiasyn 248 mln AQSh dollaryna qysqartty», - dedi Erbolat Dosaev.
Onyń atapótýinshe, sáýirde beirezidentterdiń investitsiialarynyń qysqarýy jáne syrtqy naryqtardaǵy qubylmalylyq aiasynda teńge baǵamy bir AQSh dollary úshin 429,02 teńgege deiin 1 paiyzǵa álsiredi.
«Nátijesinde shetel kapitalynyń EM (damýshy elder) elderinen netto-áketilýi jáne munai baǵasynyń qubylmalylyǵy teńgeniń aiyrbastaý baǵamyna áser etýdi jalǵastyrýda. Osy jylǵy 11 mamyrdaǵy jaǵdai boiynsha teńge baǵamy bir AQSh dollary úshin 427,22 teńge deńgeiinde qalyptasty», - dedi UB tóraǵasy.
