Prezidenttiń keibir ókilettikterin joiatyn zań jobasy Májilistiń qaraýyna osy aida engiziledi. Bul týraly QR Ádilet ministri Qanat Mýsin aitty, dep habarlaidy QazAqparat.
«Buryn Prezidentte aýdan ákimderin taǵaiyndaý, olardy laýazymnan bosatý, sheshimderin ózgertý nemese kúshin joiý ókilettigi boldy. Biraq bul Prezidenttiń jumysy ma? Árine, joq. Sýperprezidenttik forma degen osy. Búkil memlekettik basqarý júiesin túbine deiin jetip, olardy jóndep otyrý – bul sýperprezidenttik forma. Qazir Prezident mundai ókilettikterden arylyp jatyr. Ony sheshetin oblys ákimi, basqarý deńgeiiniń túrli ókilderi bar. Sol deńgeide sheshilýi tiis. Sýperprezidenttikten ketip, prezidenttik formaǵa kóshý degenimiz osy. Bul bir ǵana mysaly», - dedi Qanat Mýsin Ortalyq kommýnikatsiialar qyzmetindegi baspasóz máslihaty barysynda.
Onyń aitýynsha, «Qazaqstan Respýblikasynyń Prezidenti týraly» Konstitýtsiialyq zańǵa jáne basqa da birqatar zańdarǵa engiziletin ózgeristerdi jumysshy toby pysyqtap jatyr.
«Sońǵy kezeńine shyqtyq. Jospar boiynsha sáýirdiń sońyna deiin zań jobasy Májilis qaraýyna engizilýi tiis», - dedi ministr.
