پرەزيدەنتتٸڭ كەيبٸر ٶكٸلەتتٸكتەرٸن جوياتىن زاڭ جوباسى مەجٸلٸستٸڭ قاراۋىنا وسى ايدا ەنگٸزٸلەدٸ. بۇل تۋرالى قر ەدٸلەت مينيسترٸ قانات مۋسين ايتتى, دەپ حابارلايدى قازاقپارات.
«بۇرىن پرەزيدەنتتە اۋدان ەكٸمدەرٸن تاعايىنداۋ, ولاردى لاۋازىمنان بوساتۋ, شەشٸمدەرٸن ٶزگەرتۋ نەمەسە كٷشٸن جويۋ ٶكٸلەتتٸگٸ بولدى. بٸراق بۇل پرەزيدەنتتٸڭ جۇمىسى ما? ەرينە, جوق. سۋپەرپرەزيدەنتتٸك فورما دەگەن وسى. بٷكٸل مەملەكەتتٸك باسقارۋ جٷيەسٸن تٷبٸنە دەيٸن جەتٸپ, ولاردى جٶندەپ وتىرۋ – بۇل سۋپەرپرەزيدەنتتٸك فورما. قازٸر پرەزيدەنت مۇنداي ٶكٸلەتتٸكتەردەن ارىلىپ جاتىر. ونى شەشەتٸن وبلىس ەكٸمٸ, باسقارۋ دەڭگەيٸنٸڭ تٷرلٸ ٶكٸلدەرٸ بار. سول دەڭگەيدە شەشٸلۋٸ تيٸس. سۋپەرپرەزيدەنتتٸكتەن كەتٸپ, پرەزيدەنتتٸك فورماعا كٶشۋ دەگەنٸمٸز وسى. بۇل بٸر عانا مىسالى», - دەدٸ قانات مۋسين ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
ونىڭ ايتۋىنشا, «قازاقستان رەسپۋبليكاسىنىڭ پرەزيدەنتٸ تۋرالى» كونستيتۋتسييالىق زاڭعا جەنە باسقا دا بٸرقاتار زاڭدارعا ەنگٸزٸلەتٸن ٶزگەرٸستەردٸ جۇمىسشى توبى پىسىقتاپ جاتىر.
«سوڭعى كەزەڭٸنە شىقتىق. جوسپار بويىنشا سەۋٸردٸڭ سوڭىنا دەيٸن زاڭ جوباسى مەجٸلٸس قاراۋىنا ەنگٸزٸلۋٸ تيٸس», - دەدٸ مينيستر.
