Búgin Parlament Májilisiniń jalpy otyrysynda esirtkimen kúres sharalaryn kúsheitýge arnalǵan zań jobasyn talqylaý barysynda QR Ishki ister ministri Qalmuhanbet Qasymov sintetikalyq esirtkiler qai elderden jetkiziletinin málim etti, dep habarlaidy QazAqparat.
«Bizge sintetikalyq esirtkiler Resei, Qytai jáne Eýropa elderinen keledi. Búginde olardyń kóbisi poshtamen jetkiziledi. Buryndary olardy shekaradan ótken kezde ustaýǵa múmkin bolsa, qazirgi kezde poshtamen keledi. Sodan keiin esirtki qunyn kivi ámiian arqyly tóleidi. Bul turǵyda tek ony satyp alǵan adamdardy ǵana ustai alamyz. Biyl 125 isti qozǵadyq, onyń ishinde 89 qylmysty qysqartýǵa májbúrmiz, sebebi bul esirtkiler bizdiń tizimde joq. Iaǵni olar jańadan paida bolǵan esirtkiler. Olar ózderiniń is-qimyldarynyń tásilderin ózgertip jatyr», - dedi Q. Qasymov.
Sonymen qatar ministr bul baǵytta kúres sharalary tiimdi bolýy úshin internet-resýrstar jabylyp jatqanyn atap ótti.
«2017 jyly 522 resýrsty japtyq, al biyl atalǵan zattardy taratýmen ainalysqan 3 200 saittyń jumysyn toqtattyq. Ekinshiden, biz Ulttyq bank pen Qarjy ministrligine tiisti usynys jasadyq. Búginde tólemder týraly zańnamaǵa sáikes, 100 AEK-ke (240 myń teńge) deiin somany aty-jónin kórsetpei tóleýge bolady. Osy oraida biz qarjy aýdarymdarynyń qozǵalysyn kórý úshin osyndai tártipti alyp tastaýdy usyndyq. Qazirgi kezde bul másele qarastyrylyp jatyr», - dedi ministr.
Óz kezeginde Májilis tóraǵasy Nurlan Nyǵmatýlin QR Ishki ister ministrliginiń bul baǵyttaǵy qadamdaryna qoldaý bildirdi.
«Ókinishke orai, internet ashyq bolǵannan keiin osy máselede eshqandai shekara joq. Sondyqtan bul jumystar durys», - dedi Májilis spikeri.
Talqylaýdan keiin palata depýtattary «Qazaqstan Respýblikasynyń keibir zańnamalyq aktilerine esirtki, psihotroptyq zattar, sol tektester men prekýrsorlar ainalymyn baqylaý máseleleri boiynsha ózgerister men tolyqtyrýlar engizý týraly» zań jobasyn birinshi oqylymda maquldady.
Zań jobasynyń maqsaty - esirtki biznesiniń jáne transulttyq uiymdasqan esirtki qylmysynyń jańa tegeýrindi talaptary men qaýipterine qarsy turý. Osy oraida memleket qabyldap jatqan sharalardyń barlyǵyn qamtamasyz etý úshin qazirgi zańnamalyq esirtkige qarsy júieni jańǵyrtý eskerilgen.
