بٷگٸن پارلامەنت مەجٸلٸسٸنٸڭ جالپى وتىرىسىندا ەسٸرتكٸمەن كٷرەس شارالارىن كٷشەيتۋگە ارنالعان زاڭ جوباسىن تالقىلاۋ بارىسىندا قر ٸشكٸ ٸستەر مينيسترٸ قالمۇحانبەت قاسىموۆ سينتەتيكالىق ەسٸرتكٸلەر قاي ەلدەردەن جەتكٸزٸلەتٸنٸن مەلٸم ەتتٸ, دەپ حابارلايدى قازاقپارات.
«بٸزگە سينتەتيكالىق ەسٸرتكٸلەر رەسەي, قىتاي جەنە ەۋروپا ەلدەرٸنەن كەلەدٸ. بٷگٸندە ولاردىڭ كٶبٸسٸ پوشتامەن جەتكٸزٸلەدٸ. بۇرىندارى ولاردى شەكارادان ٶتكەن كەزدە ۇستاۋعا مٷمكٸن بولسا, قازٸرگٸ كەزدە پوشتامەن كەلەدٸ. سودان كەيٸن ەسٸرتكٸ قۇنىن كيۆي ەمييان ارقىلى تٶلەيدٸ. بۇل تۇرعىدا تەك ونى ساتىپ العان ادامداردى عانا ۇستاي الامىز. بيىل 125 ٸستٸ قوزعادىق, ونىڭ ٸشٸندە 89 قىلمىستى قىسقارتۋعا مەجبٷرمٸز, سەبەبٸ بۇل ەسٸرتكٸلەر بٸزدٸڭ تٸزٸمدە جوق. ياعني ولار جاڭادان پايدا بولعان ەسٸرتكٸلەر. ولار ٶزدەرٸنٸڭ ٸس-قيمىلدارىنىڭ تەسٸلدەرٸن ٶزگەرتٸپ جاتىر», - دەدٸ ق. قاسىموۆ.
سونىمەن قاتار مينيستر بۇل باعىتتا كٷرەس شارالارى تيٸمدٸ بولۋى ٷشٸن ينتەرنەت-رەسۋرستار جابىلىپ جاتقانىن اتاپ ٶتتٸ.
«2017 جىلى 522 رەسۋرستى جاپتىق, ال بيىل اتالعان زاتتاردى تاراتۋمەن اينالىسقان 3 200 سايتتىڭ جۇمىسىن توقتاتتىق. ەكٸنشٸدەن, بٸز ۇلتتىق بانك پەن قارجى مينيسترلٸگٸنە تيٸستٸ ۇسىنىس جاسادىق. بٷگٸندە تٶلەمدەر تۋرالى زاڭناماعا سەيكەس, 100 اەك-كە (240 مىڭ تەڭگە) دەيٸن سومانى اتى-جٶنٸن كٶرسەتپەي تٶلەۋگە بولادى. وسى ورايدا بٸز قارجى اۋدارىمدارىنىڭ قوزعالىسىن كٶرۋ ٷشٸن وسىنداي تەرتٸپتٸ الىپ تاستاۋدى ۇسىندىق. قازٸرگٸ كەزدە بۇل مەسەلە قاراستىرىلىپ جاتىر», - دەدٸ مينيستر.
ٶز كەزەگٸندە مەجٸلٸس تٶراعاسى نۇرلان نىعماتۋلين قر ٸشكٸ ٸستەر مينيسترلٸگٸنٸڭ بۇل باعىتتاعى قادامدارىنا قولداۋ بٸلدٸردٸ.
«ٶكٸنٸشكە وراي, ينتەرنەت اشىق بولعاننان كەيٸن وسى مەسەلەدە ەشقانداي شەكارا جوق. سوندىقتان بۇل جۇمىستار دۇرىس», - دەدٸ مەجٸلٸس سپيكەرٸ.
تالقىلاۋدان كەيٸن پالاتا دەپۋتاتتارى «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە ەسٸرتكٸ, پسيحوتروپتىق زاتتار, سول تەكتەستەر مەن پرەكۋرسورلار اينالىمىن باقىلاۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىن بٸرٸنشٸ وقىلىمدا ماقۇلدادى.
زاڭ جوباسىنىڭ ماقساتى - ەسٸرتكٸ بيزنەسٸنٸڭ جەنە ترانسۇلتتىق ۇيىمداسقان ەسٸرتكٸ قىلمىسىنىڭ جاڭا تەگەۋرٸندٸ تالاپتارى مەن قاۋٸپتەرٸنە قارسى تۇرۋ. وسى ورايدا مەملەكەت قابىلداپ جاتقان شارالاردىڭ بارلىعىن قامتاماسىز ەتۋ ٷشٸن قازٸرگٸ زاڭنامالىق ەسٸرتكٸگە قارسى جٷيەنٸ جاڭعىرتۋ ەسكەرٸلگەن.
