Foto: Tengrinews.kz/Turar Qazanǵapov
Úkimette burynǵy Semei iadrolyq poligonynyń shartty túrde taza jeriniń bir bóligin qoldanysqa berý usynyldy. Energetika ministri Bolat Aqsholaqov lastanǵan jerlerdi qalpyna keltirý jumystary júrgizilmei jatqanyn aitty, - dep habarlaidy Tengrinews.kz.
"Poligon jabylǵaly beri birqatar problemalyq másele anyqtaldy. Burynǵy Semei poligonynyń jerleri úsh oblys ákimdikteri qaramaǵyndaǵy bosalqy jerlerge jatady, bul bógde adamdardyń is-áreketteri men osy aýmaqtarda bolyp jatqan oqiǵalardy baqylaýdy qiyndatady.
Poligonnyń artyq lastanǵan jerlerin qalpyna keltirý jáne rekýltivatsiialaý jumystary júrgizilip jatqan joq. Sondai-aq, radioaktiv lastaný deńgeiin turaqty baqylaýdyń bolmaýyna bailanysty radioaktiv lastanýdyń migratsiiasy týraly ózekti derekter joq. Lastanǵan jáne taza aýmaqtardyń bólinbeýinen búginde qoldanýǵa jaramdy jerlerdiń edáýir bóligi bos tur", - dedi ministr Májilis otyrysynda sóilegen sózinde.
Onyń aitýynsha, bul máseleler sheshimi depýtattar birinshi oqylymda qaraǵan "Semei iadrolyq qaýipsizdik aimaǵy týraly" zań jobasynda naqty kórsetilgen.
