Indýstriia jáne infraqurylymdyq damý ministri Qaiyrbek Óskenbaev reseilik Ural Motorcycles zaýytynyń Petropavlǵa aýysatynyna qatysty túsinikteme berdi, dep habarlaidy Sputnik Qazaqstan.
"Qazaqstandyqtarǵa biznesti damytý turǵysynan óz múmkindikterine sengenine úlken alǵys aitqym keledi. Bizde kún saiyn jobalar pýly ósip jatyr. Basqa elder, sonyń ishinde Resei de bar. Biz Qazaqstanda óz óndirisin ashýǵa daiyn barlyq kásiporyndy qabyldaýǵa daiynbyz. Óitkeni bul jańa jumys oryndary, qosymsha salyq, quzyretter. Qazir "Ýral" zaýyty "QazTehMashpen" kelissóz júrgizip jatyr. Bilýimshe, alańdy jalǵa alý kelisimshartyn da bekitip qoidy", - dedi Óskenbaev úkimet kýlýarynda.
Osy oraida jýrnalister odan Qazaqstan reseilik zaýytqa jumys isteýge ruqsat etkennen keiin, ózi Batystyń sanktsiialaryna iligip ketpei me dep surady. Óskenbaev "Ýral" zaýyty sanktsiiaǵa ilikpegenin atap ótti.
"Birinshiden, "Ýral" zaýyty sanktsiialarǵa ilikpegen. Reseilik kompaniialardyń bári sanktsiia astynda emes. Batys elderi olardyń naqty tizimin bekitken, meniń bilýimshe, "Ýral" zaýyty bul tizimge kirmeidi. Eger ol qandai da bir sebeppen Qazaqstan aýmaǵynda kásiporyn ashýǵa bel býsa, nege biz bas tartýymyz kerek?!" - dedi ol.
Indýstriia ministrliginiń basshysy Qazaqstanda ornalasýǵa tiis emes kásiporyndar bizdiń elimizde ashylmaitynyna sendirdi.
"Men "Ýral" úshin oǵan osynshama kóńil bólip jatqanyna qýanyshtymyn. Shynymdy aitsam, bizde odan da mańyzdy, ózimizdiń otandyq júzdegen zaýyt bar. "Ýral" tek osy jerde ashylatyn zaýyttardyń biri ǵana. Eger bul zaýyt zańdy bolsa, qandai da bir shekteýlerge túspese, biz kez kelgen zaýytty óz aýmaǵymyzda qabyldaýǵa daiynbyz", - dedi Óskenbaev.
Eske salsaq, reseilik Ural Motorcycles Sverdlovsk oblysynyń Irbit qalasyndaǵy óndirisin Petropavlǵa aýystyrmaq. Oǵan Reseige qarsy sanktsiialardyń saldarynan zaýytqa qajetti bólshekterdi jetkizýdiń qiyndap ketkeni jáne importqa tyiym salynǵany sebep bolyp otyr.
