Foto: elements.envato.com
Aýyl sharýashylyǵy ministri Erbol Qarashókeev Qazaqstanda otandyq qant óndirisine qatysty máselelerdi sheshý qalai josparlanyp otyrǵanyn aitty, - dep habarlaidy Tengrinews.kz.
"Qanttyń jyldyq tutynýy shamamen 532 myń tonna, onyń 7 paiyzy otandyq shikizattan. Buǵan shaǵyn óndiris, sýarýǵa qajetti sýdyń tapshylyǵy jáne qant qyzylshasyn ósirýdegi qol eńbegi, qant zaýyttarynyń qunsyzdanýy, reseilik óndirýshilerdiń baǵaǵa qatysty dempingi sebep bolyp otyr", - dedi Qarashókeev Úkimet otyrysynda.
Ol sýmen qamtamasyz etý, egis alqaptaryn 14,5 myń gektardan 38 myń gektarǵa deiin keńeitý, tehnikalyq jaraqtandyrý, sondai-aq salany infraqurylymdyq damyta otyryp, qant zaýytyn jańǵyrtý jáne salý jónindegi jobalardy iske qosý esebinen jalpy ónim jinaýdy 332 myńnan 1,8 million tonnaǵa deiin ulǵaitý kútilip otyrǵanyn aitty.
"Qant óndirisin 7 esege 254 myń tonnaǵa deiin ulǵaitý, qant importyn 32 paiyzǵa tómendetý kútiledi, bul ishki naryqtyń otandyq óndiristegi qantpen qamtamasyz etilýin 7-den 43 paiyzǵa deiin arttyrýǵa múmkindik beredi", - dedi ministr.
