QR Ekologiia, geologiia jáne tabiǵi resýrstar ministri Serikqali Brekeshev Óskemendegi zaýyt tóbesinde paida bolǵan qyzǵylt tútinge qatysty túsinikteme berdi, dep habarlaidy QazAqparat.
Brifing barysynda BAQ ókilderi Óskemen qalasynan taraǵan video týraly saýal qoidy.
Videodan qaladaǵy titan-magnii kásipornynyń aýmaǵynda qyzǵylt tútin paida bolǵanyn kórýge bolady.
Ministr saýaldarǵa Óskemennen shuǵyl kelip túsken málimet boiynsha jaýap berdi.
«Búgin saǵat 12.00-de ekologiia departamentine áleýmettik jeli arqyly «TMK» AQ aýmaǵynda yqtimal apat týraly málimet kelip tústi. Jaǵdaidy anyqtaý úshin ekologiia departamenti saǵat 12.15-te qural-jabdyqtarmen synama alý úshin sanitarlyq aimaqqa baryp, aýa quramyndaǵy ziiandy zattardyń bar-joǵyn tekserdi. Synama qorytyndysy boiynsha hlordyń mólsheri bekitilgen norma sheginen asqany belgili boldy. Kelip túsken aryz boiynsha jospardan tys tekserý bastaldy. Onyń qorytyndysy qosymsha habarlanady», - dedi Serikqali Brekeshev.
