Foto: Akorda.kz
Memleket basshysy Mádeniet jáne sport ministri Ashat Oralovty qabyldady, - dep habarlaidy "Ult aqparat" Aqorda saityna silteme jasap.
Prezidentke tapsyrmalarynyń oryndalý barysy týraly málimet berildi. Sondai-aq, ministrliktiń mádeniet, sport jáne týrizm indýstriiasyn damytýǵa baǵyttalǵan bastamalary tanystyryldy.
Memleket basshysyna Almaty oblysynda sportshylardy olimpiadaǵa daiarlaityn Respýblikalyq bazanyń qurylysy týraly baiandaldy. Nysan biyl paidalanýǵa beriledi dep josparlanyp otyr. 2025 jylǵa deiin jalpy 113 sport nysany salynady. Sonymen qatar, ministr Dene shynyqtyrý men sportty damytýdyń 2023-2029 jyldarǵa arnalǵan tujyrymdamasynyń jobasy týraly aitty.
Budan bólek, Prezidentke qazaqstandyq sportshylardyń aldaǵy jazda ótetin Aziia, Olimpiada oiyndaryna daiyndyǵy jáne 2024 jyly elimizde V Dúniejúzilik kóshpendiler oiyndaryn uiymdastyrý jumystary týraly baiandaldy.
Qasym-Jomart Toqaevtyń tapsyrmasy boiynsha 2025 jylǵa deiin mádeniet jáne muraǵat uiymdary qyzmetkerleriniń jalaqysy kezeń-kezeńmen ósedi.
Ministrlik otandyq avtorlardyń teatrdaǵy qoiylymdarynyń sanyn arttyrýdy jáne qazaqstandyq filmder túsirýdi josparlap otyr. Biyl alǵash ret jas jazýshylar men aqyndarǵa arnalǵan ádebi syilyq tabystalady. Jeti respýblikalyq mádeniet uiymyna "ulttyq" mártebe berý máselesi pysyqtalyp jatyr.
Ashat Oralovtyń aitýynsha, týrizm salasyn damytý maqsatynda Kids Go Free baǵdarlamasyna qatysý úshin týroperatorlarǵa qoiylatyn talaptar jeńildetilgen. Sondai-aq qazaqstandyqtar úshin týristik keshbek engizý josparlanyp otyr.
Memleket basshysy ishki jáne syrtqy týrizmdi odan ári yntalandyrý, investitsiia tartý sharalaryn qabyldaýdy tapsyrdy. Prezident buqaralyq sportqa qoldaý kórsetý jáne sport infraqurylymyn qoljetimdi etý qajet ekenin atap ótti. Sondai-aq, álemdik deńgeidegi básekege qabiletti mádenietti damytý úshin jaǵdai jasaýdyń jáne elimizdegi kreativti indýstriialar bazasyn qalyptastyrýdyń mańyzdylyǵyna nazar aýdardy.
