فوتو: Akorda.kz
مەملەكەت باسشىسى مەدەنيەت جەنە سپورت مينيسترٸ اسحات ورالوۆتى قابىلدادى, - دەپ حابارلايدى "ۇلت اقپارات" اقوردا سايتىنا سٸلتەمە جاساپ.
پرەزيدەنتكە تاپسىرمالارىنىڭ ورىندالۋ بارىسى تۋرالى مەلٸمەت بەرٸلدٸ. سونداي-اق, مينيسترلٸكتٸڭ مەدەنيەت, سپورت جەنە تۋريزم يندۋستريياسىن دامىتۋعا باعىتتالعان باستامالارى تانىستىرىلدى.
مەملەكەت باسشىسىنا الماتى وبلىسىندا سپورتشىلاردى وليمپياداعا دايارلايتىن رەسپۋبليكالىق بازانىڭ قۇرىلىسى تۋرالى باياندالدى. نىسان بيىل پايدالانۋعا بەرٸلەدٸ دەپ جوسپارلانىپ وتىر. 2025 جىلعا دەيٸن جالپى 113 سپورت نىسانى سالىنادى. سونىمەن قاتار, مينيستر دەنە شىنىقتىرۋ مەن سپورتتى دامىتۋدىڭ 2023-2029 جىلدارعا ارنالعان تۇجىرىمداماسىنىڭ جوباسى تۋرالى ايتتى.
بۇدان بٶلەك, پرەزيدەنتكە قازاقستاندىق سپورتشىلاردىڭ الداعى جازدا ٶتەتٸن ازييا, وليمپيادا ويىندارىنا دايىندىعى جەنە 2024 جىلى ەلٸمٸزدە V دٷنيەجٷزٸلٸك كٶشپەندٸلەر ويىندارىن ۇيىمداستىرۋ جۇمىستارى تۋرالى باياندالدى.
قاسىم-جومارت توقاەۆتىڭ تاپسىرماسى بويىنشا 2025 جىلعا دەيٸن مەدەنيەت جەنە مۇراعات ۇيىمدارى قىزمەتكەرلەرٸنٸڭ جالاقىسى كەزەڭ-كەزەڭمەن ٶسەدٸ.
مينيسترلٸك وتاندىق اۆتورلاردىڭ تەاترداعى قويىلىمدارىنىڭ سانىن ارتتىرۋدى جەنە قازاقستاندىق فيلمدەر تٷسٸرۋدٸ جوسپارلاپ وتىر. بيىل العاش رەت جاس جازۋشىلار مەن اقىندارعا ارنالعان ەدەبي سىيلىق تابىستالادى. جەتٸ رەسپۋبليكالىق مەدەنيەت ۇيىمىنا "ۇلتتىق" مەرتەبە بەرۋ مەسەلەسٸ پىسىقتالىپ جاتىر.
اسحات ورالوۆتىڭ ايتۋىنشا, تۋريزم سالاسىن دامىتۋ ماقساتىندا Kids Go Free باعدارلاماسىنا قاتىسۋ ٷشٸن تۋروپەراتورلارعا قويىلاتىن تالاپتار جەڭٸلدەتٸلگەن. سونداي-اق قازاقستاندىقتار ٷشٸن تۋريستٸك كەشبەك ەنگٸزۋ جوسپارلانىپ وتىر.
مەملەكەت باسشىسى ٸشكٸ جەنە سىرتقى تۋريزمدٸ ودان ەرٸ ىنتالاندىرۋ, ينۆەستيتسييا تارتۋ شارالارىن قابىلداۋدى تاپسىردى. پرەزيدەنت بۇقارالىق سپورتقا قولداۋ كٶرسەتۋ جەنە سپورت ينفراقۇرىلىمىن قولجەتٸمدٸ ەتۋ قاجەت ەكەنٸن اتاپ ٶتتٸ. سونداي-اق, ەلەمدٸك دەڭگەيدەگٸ بەسەكەگە قابٸلەتتٸ مەدەنيەتتٸ دامىتۋ ٷشٸن جاعداي جاساۋدىڭ جەنە ەلٸمٸزدەگٸ كرەاتيۆتٸ يندۋسترييالار بازاسىن قالىپتاستىرۋدىڭ ماڭىزدىلىعىنا نازار اۋداردى.
