Densaýlyq saqtaý ministri Aleksei Tsoi oqýshylardy dástúrli bilim berý rejimine kóshirýge qatysty pikir bildirdi, dep habarlaidy "Ult aqparat".
Ortalyq kommýnikatsiialar qyzmetinde balalardy shamamen qai kezeńnen bastap mektepte oqytý formatyna kóshirý josparlanyp otyrǵandyǵy suraldy.
«Qazirgi kezde osy máseleni qarastyryp jatyrmyz. Bir jaǵynan ár óńir bólinisinde indetti anyqtaý boiynsha jaǵdai bar... Bul baǵytta Bilim ministrligimen birlese ázirlengen tiisti qadamdar bar. Talqylaýlar aiasynda osyndai synyptarda oqytý múmkindigi bar. Sondyqtan ekinshi toqsanda qai formatta oqytý sheshimin pysyqtap jatyrmyz», - dedi ministr.
Óz kezeginde QR Densaýlyq saqtaý vitse-ministri Ajar Ǵiniiat birinshi toqsan aiaqtalǵan soń, iaǵni balalar kanikýlǵa baryp kelgennen keiin eldegi japǵdaidy eskere otyryp, tiisti sheshim qabyldanatynyn jetkizdi.
Budan buryn habarlanǵandai, oqý jyly bastalǵaly oqýshylar arasynda KVI juqtyrýdyń 184 jaǵdaiy tirkeldi. Onyń ishinde kezekshi synypta oqityn 73 balada koronavirýs anyqtaldy.
