QR Densaýlyq saqtaý ministri Ajar Ǵiniiat Úkimet otyrysynda oblys ákimderinen mobildi brigadalardy kólikpen ýaqtyly qamtamasyz etýdi surady, dep habarlaidy QazAqparat.
«Densaýlyq saqtaý uiymdarynda KVI-men aýyrǵan 152 myńǵa jýyq patsient, onyń ishinde 93% ambýlatoriialyq jáne 7% statsionarlyq deńgeide emdeýdi jalǵastyrýda.
Bul rette, sońǵy eki aptada infektsiialyq tósekterdiń qamtylýy 31%-ten 38%-ǵa deiin nemes 1,2 ese, reanimatsiialyq tósekterdi qamtý 17-den 23%-ǵa deiin nemes 1,3 ese ulǵaidy.
Sońǵy 10 kúnde infektsiialyq tósekterdiń tolyqtyrylýynyń artýy Qostanai oblysynda - 2,3 ese, Shyǵys Qazaqstan oblysynda - 1,8, Jambyl oblysynda - 1,7 ese, reanimatsiialyq tósekterdiń Mańǵystaý oblysynda - 7,2, Aqtóbe oblysynda - 2,8, Batys Qazaqstan oblysynda - 2,3 ese ósti», - dedi Ajar Ǵiniiat.
Onyń aitýyna qaraǵanda, der kezinde meditsinalyq kómek kórsetý jáne aýyr naýqastar sanyn azaitý úshin halyqtyń arasynda KVI-di óz betinshe emdeýge jol bermeý týraly aqparattyq-túsindirý jumystaryn kúsheitý qajet. Ol úshin óńirlerdiń ákimdikterine mobildik brigadalardyń jetkilikti sanyn ýaqtyly bólip otyrýy kerek.
«Syrqattanýshylyqtyń ósýin eskere otyryp, ambýlatoriialyq deńgeide dárilik preparattarmen qamtamasyz etýdi, dárihana jelisinde qabynýǵa qarsy jáne qyzýdy túsiretin dárilerdiń bolýyn turaqty baqylaýǵa alǵan jón.
Budan basqa, barlyq ambýlatoriialyq deńgeidegi naýqastardy diagnostikalaý jáne dinamikalyq baiqaýmen, onyń ishinde qashyqtan kórsetiletin qyzmetterdi, telemeditsinany keńinen paidalana otyryp, MSAK ahýaldyq ortalyqtarynyń jumysyn kúsheitý qajet», - dedi ministr.
