Aýyl sharýashylyǵy ministri Erbol Qarashókeev nannyń baǵasyna boljam jasady, dep habarlaidy Sputnik Qazaqstan.
"Qazaqstanda áleýmettik nan qymbattamaidy. Bizde aimaqtarǵa arzan undy jetkizýge qajetti bidaidyń 275 myń tonnasy rezervte tur. Sonyń arqasynda áleýmettik nannyń baǵasy shekti somadan aspaidy", - dedi Qarashókeev úkimet otyrysynan keiingi baspasóz máslihatynda.
Al basqa nan jáne nan ónimderi qymbattady. Ony ministrdiń ózi de baiqap otyr.
"Sebebi jyl basynan beri bidaidyń bir tonnasy qymbattady. Buryn 115-116 myń teńge bolsa, qazir 150 myńǵa deiin bardy. Odan jasalǵan unnyń baǵasy da kóteriledi", - dep atap kórsetti Qarashókeev.
Ministrdiń aitýynsha, astyq - bul birjalyq taýar. Oǵan álemdik baǵalardyń qubylýy da áser etedi.
Degenmen, sońǵy kezde ulttyq valiýtamyz nyǵain soń astyqtyń baǵasy birshama tómendedi.
"Al áleýmettik nannyń baǵasy ózgermeidi. Shamamen, 100 teńgeniń mańaiynda qala beredi", - deidi Qarashókeev.
