Byltyrdan bastap pedagogikalyq mamandyqtar boiynsha oqýǵa túsý talaptary qatańdatylyp, mejelik ball kóterildi. Degenmen, osy qatań talaptan súrinbei ótken talapkerler stýdent atanǵannan keiin eń joǵary shákirtaqy almaq. QR Bilim jáne ǵylym ministri Ashat Aimaǵambetov Facebook paraqshasynda ustazdyq mamandyqtyń jastar arasyndaǵy bedelin kóterý úshin osyndai qadamdar jasalǵanyn jazdy, dep habarlaidy QazAqparat tilshisi.
«2021 jyly biz pedagog bolyp jumys istegisi keletinderge jumysqa ornalasý kezinde de qoiylatyn talaptardy qatańdattyq. Osylaisha, endi bul mamandyqqa kez kelgen mektep túlegi túse almaidy, óitkeni pedagogikalyq baǵytqa daiyndyqtyń barlyq baǵyttaryna UBT-nyń eń joǵary shekti baly belgilendi. Sondai-aq pedagogikalyq mamandyqtar boiynsha bilim alýshylar alatyn shákirtaqylardyń kólemi de qazir eń joǵary», - dep jazdy ministr.
Onyń aitýyna qaraǵanda, jalaqyny kóterý, júktemeni azaitý, eseptilikti qysqartý, pedagogterdi ózine tán emes fýnktsiialarǵa tartýǵa jol bermeý sharalary mamandyqtyń mártebesin arttyrýda sheshýshi ról atqarǵan.
«Sonyń arqasynda qazir muǵalim mamandyǵyna úzdik túlekter ǵana túsip jatqanyn kórip otyrmyz. Osy mamandyqqa túsýshilerdiń ortasha baly aitarlyqtai artty, pedagog mamandyǵyn tańdaǵan «Altyn belgi» iegerleriniń sany eki ese kóbeidi», -deidi vedomstvo basshysy.
