QR Densaýlyq saqtaý ministri Eljan Birtanov el turǵyndaryn meningit kezinde ózin-ózi emdeýmen ainalyspaýǵa shaqyrdy, dep habarlaidy QazAqparat tilshisi.
«Adamdardyń ólimimen aiaqtalǵan oqiǵalardyń kópshiliginde naýqastar mamandardyń kómegine tym kesh júgingen. Biz meningit belgileri paida bolǵan kezde dereý meditsinalyq qyzmetkerlerge habarlasý kerektigin qaitalap kelemiz. Densaýlyq saqtaýǵa, vaktsinalaýǵa túrli kózqarastar bolýy múmkin, alaida osy jaǵdaida keri saldarǵa jol bermes úshin bas mamandardyń usynysyn oryndaýdy ótinemin. Infektsiia jyl boiy bolady. Bunyń barlyǵy biz úshin standartty jaǵdai, sáikesinshe biz dárigerlerdiń standartty nusqaýlaryn oryndaýdy talap etemiz. Osy oraida ózin-ózi emdeýmen nemese tekserilmegen em-dom túrlerimen ainalysqan durys emes», - dedi ministr Ortalyq kommýnikatsiialar qyzmetinde.
Budan buryn habarlanǵandai, jyl basynan beri Qazaqstanda meningit infektsiiasyn juqtyrǵan 58 naýqas tirkeldi. Olardyń 18-i 14 jasqa deiingi balalar. Biyldan bastap atalǵan dertten 12 adam kóz jumdy.
