Foto: Foodsolutions.kz
McDonald's kompaniiasynyń naryqtan ketýi qazaqstandyq ettiń sapasy nashar degendi bildirmeidi. Úkimet kýlýarynda ulttyq ekonomika ministri Álibek Qýantyrov osyndai pikir bildirdi, dep habarlaidy Sputnik Qazaqstan.
Ministrdiń aitýynsha, McDonald's siiaqty halyqaralyq kompaniialardyń óz standarty bar.
"Erterekte qazaqtar fastfýd jemegen, sondyqtan qazir álemde bar qurylymy, talshyqtar, mailylyǵy boiynsha standarttar bizde bolmaǵan shyǵar. Bul jerde, meniń oiymsha, másele qazaqstandyq et óńdeý kompaniialarynda emes, olardyń óndirisi naqty McDonald's-qa mamandanbaǵan", - dedi Qýantyrov Úkimet kýlýarynda.
Osy oraida ol qazaqstandyq ettiń sapasyn búkil álem biletinin aitty.
"Al bizdiń ettiń sapasyna kelsek, ol búkil álemge belgili. Tipti japondardyń ózi Qazaqstannan jylqy etin importtaidy", - dedi ulttyq ekonomika ministri.
Qýantyrov qazaqstandyq et óńdeý kompaniialarynyń áleýeti zor ekenin atap ótti. Sondyqtan olar kelisimshart bekitip, elge franshiza ákelse, halyqaralyq kompaniialardyń deńgeiine deiin ósýi kerek. Sebebi ár kompaniianyń, ásirese halyqaralyq kompaniialardyń óz standarty bar.
"Meniń oiymsha, eger bizdiń kompaniialar osyndai kompaniialarmen jumys istegisi kelse, olar ettiń tiisti qurylymyn qamtamasyz etýi kerek", - dedi ol.
5 qańtarda McDonald's kompaniiasy Qazaqstanda qyzmetin toqtatqany habarlandy. Endi McDonald’s brendimen jumys istegen "Food Solutions KZ" JShS jańa ataýmen ashylady.
