Premer-ministrdiń birinshi orynbasary Álihan Smaiylov Qytaidan alynatyn 2 mlrd iýan qaryzǵa qatysty túsinikteme berdi. Ol bul qarjyǵa qytailyq tehnika alynatynyn jetkizdi, dep habarlaidy Baq.kz agenttigi.
«Sizder Qytaidan 2 mlrd iýan, iaǵni 112 mlrd teńge kóleminde 2% qaryz alatyndaryńyzdy jariialadyńyzdar. Bul qaryzdyń basym bóligi shekarany tehnikalyq jabdyqtaýǵa qoldanylady. Qazir Qytaidyń «Hlaýi» siiaqty keibir kompaniialary dúniejúzinde kúdik týdyryp otyr. Sondyqtan, sizderdiń shekaraǵa ákelip qoiatyn tehnologiialaryńyz erteń memlekettiń qaýipsizdigine ziian keltirmei me? Bul máseleni sheshý úshin sizder qandai jumys jasap jatyrsyzdar?» - dep jýrnalist Úkimet úiindegi baspasóz máslihatynda Álihan Smaiylovqa suraq qoidy.
«Biz bul zaemdy, qaryzdy sol shekaradaǵy ótpeli pýnkterge baǵyttaimyz. Onyń 70% qural-jabdyqtarǵa joldanady. Álemge belgili úlken qytailyq kompaniianyń ónimderi, «Nýtek» kompaniiasy, ol 122 memleketke óziniń tehnikasyn jiberedi. Amerika jáne Eýroodaqtyń dál sondai tehnikasymen salystyrǵanda onyń sapasy, esh jeri kem emes, biraq ta baǵasy 1,5 ese tómen. Qaýipsizdik máselesine kelsek, bul quraldy importtaý kezinde oǵan bizdiń memlekettik organ - IIDM-nen tiisti litsenziia alyný kerek. Osymen birge, bul tehnika bizdiń Ulttyq qaýipsizdik komitetinen mindetti túrde tekseristen ótedi. Osylaisha, barlyq qaýipsizdik suraqtary qamtylady», - dep jaýap berdi Álihan Smaiylov.
Buǵan deiin Qazaqstan Qytaidan 2,062 mlrd iýan kóleminde nesie alatynyn habarlaǵan bolatynbyz. Qaryz aqsha shekaradaǵy tekserý-ótkizý beketterin jabdyqtaýǵa jumsalmaq. Tiisti zań jobasyn Májilis maquldady.
