Úkimet otyrysynda eńbek jáne halyqty áleýmettik qorǵaý ministri Asqar Ertaev balasyn arqalap, kýrer bolyp jumys istegen áielge qatysty jańa málimetterdi aitty, dep habarlaidy ult.kz.
Ministrdiń sózinshe, jas otbasy Astanaǵa kóship kelgen. Áieldiń joldasynyń joǵary bilimi bar, biraq ázirge turaqty jumysy joq. Al kýrer bolyp júrgen kelinshek tehnikalyq orta bilim alǵan.
Asqar Ertaev buǵan deiin taraǵan "kúieýi aýyryp jatyr" degen aqparattyń shyndyqqa sáikes kelmeitinin málimdedi.
"Kúieýi aýyryp jatqan joq. 2 million teńge krediti bar, avtokóligi bar. Shymkentte olar jaqsy ómir súrgen. Týǵan aǵasy lombard salasynda jumys isteidi. Ata-anasynyń da jaǵdaiy jaman emes", – dedi ministr.
Onyń aitýynsha, qazirgi ýaqytta áieldiń jubaiyna Mansap ortalyǵy arqyly birneshe bos jumys orny usynylǵan.
Sondai-aq ministr sábiimen birge júrgen áieldi kýrer retinde jumysqa alǵan kompaniiaǵa qatysty da suraqtar bar ekenin aitty. Onyń sózinshe, bul jaǵdaidyń mán-jaiy qosymsha tekseriledi.
"Iá, ol shynymen kýrer retinde tirkelgen. Biraq bizde ol jumys istegen kompaniiaǵa qatysty suraqtar bar. Jumysqa shyǵar aldynda qandai nusqaýlyq berildi, ony balamen qalai jumysqa shyǵarǵan? Qazir jumyspen qamtý platformasy ýaqyt surady. Olardyń jaýabyn kútip otyrmyz. Kelesi aptada dialogty jalǵastyramyz", – dedi Asqar Ertaev.
