QR Aqparat jáne qoǵamdyq damý ministri Dáýren Abaev «Ashyq dialog» baǵdarlamasynda quqyq qorǵaýshy Evgenii Jovtistiń Beibit jiyndar týraly zań jobasyna qatysty aitqan oiyna pikir bildirdi, dep habarlaidy QazAqparat.
«Buryn azamattyq belsendiler men quqyq qorǵaýshylar, jergilikti atqarýshy organdar mitingke kez kelgen syltaýmen tyiym sala alatyn. Nege bulai boldy? Bizde 14 oblys, respýblikalyq mańyzy bar 3 qala, 300-ge jýyq aýdan bar. Ár jergilikti atqarýshy organnyń beibit jiyn ótkizýge qarsy óziniń tizimi bar bolatyn. Keibirinde mundai sheshim jaǵdaiǵa qarai qabyldanatyn», - deidi QR Aqparat jáne qoǵamdyq damý ministri Dáýren Abaev.
Ol saraptama júrgizgen kezde sherýge ruqsat bermeýdiń júzdegen sebebi bar ekeni anyqtalǵanyn aitty.
«Ol sebepterdi tizip aitýdyń qajeti shamaly. Jovtis myrzanyń muny jaqsy biletinine jáne túsinetinine senimdimin. Onyń qazir bul máselege nege barynsha nazar aýdaryp otyrǵany túsiniksiz. Biz qazir ruqsat berýden bas tartý úshin naqty 13 sebepti ǵana kórsetip otyrmyz. Bul ereje barlyq aimaqqa ortaq bolady», - deidi ol.
