Foto: kostanay-su.kz
Ulttyq ekonomika ministri Álibek Qýantyrov Qostanaida óńiraralyq yntymaqtastyq forýmyn uiymdastyrýǵa jumsalǵan qomaqty qarajatqa qatysty túsinikteme berdi, dep habarlaidy Sputnik Qazaqstan.
Qostanaida Qazaqstan men Reseidiń óńiraralyq yntymaqtastyq forýmyn uiymdastyrý úshin 13 mlrd teńgege jýyq qarajat jumsalǵany habarlanǵan bolatyn. Qalaǵa Resei prezidenti Vladimir Pýtin barady dep josparlanǵan edi. Alaida keiin Pýtin Toqaevpen birge forýmǵa Astanadan beinebailanys rejiminde qatysatyny belgili boldy.
Osyǵan bailanysty jýrnalister Qýantyrovtan milliardtaǵan aqsha bosqa jumsalmady ma dep surady.
"Men bul forýmmen ainalysqan joqpyn, biraq qaladaǵy kez kelgen infraqurylym jergilikti turǵyndarǵa qalady. Is-shara ótedi, Reseidiń shekaralas óńirlerinen kásipkerler keledi, bizdiń biznesmender, memlekettik qyzmetkerler qatysady. Sodan keiin kez kelgen nysan, sonyń ishinde vizit-ortalyq óńirdi damytý úshin qajet", - dedi Ulttyq ekonomika ministri májilis kýlýarynda.
Mysaly, ministrdiń aitýynsha, qazir kóptegen oblys ortalyǵynda, ókinishke qarai, qonaq úiler joq.
"Astana, Almaty, Shymkent, Atyraý, Mańǵystaýda álemdik brendter bar. 4-5 juldyzdy qonaq úiler investorlardyń qyzyǵýshylyǵyn týdyrady. Jaqynda men Oralda boldym. Qalada is júzinde jalǵyz ǵana qonaq úi bar eken", - deidi Qýantyrov.
Ol bolashaqta infraqurylym nysandaryn investitsiialyq tartymdylyq úshin paidalanýǵa bolatynyn aitty.
Aita keteiik, Memleket basshysy Qasym-Jomart Toqaevtyń shaqyrýymen 9 qarashada Resei Federatsiiasynyń prezidenti Vladimir Pýtin Astanaǵa resmi saparmen keledi.
Sapar barysynda eki el basshylary kelissóz júrgizip, Qazaqstan men Resei arasyndaǵy strategiialyq seriktestiktiń ózekti máselelerin talqylaidy dep josparlanyp otyr.
Budan bólek, prezidentter Qostanaida ótetin Qazaqstan men Reseidiń XIX Óńiraralyq yntymaqtastyq forýmyna beinebailanys rejiminde qatysady.
