فوتو: kostanay-su.kz
ۇلتتىق ەكونوميكا مينيسترٸ ەلٸبەك قۋانتىروۆ قوستانايدا ٶڭٸرارالىق ىنتىماقتاستىق فورۋمىن ۇيىمداستىرۋعا جۇمسالعان قوماقتى قاراجاتقا قاتىستى تٷسٸنٸكتەمە بەردٸ, دەپ حابارلايدى Sputnik قازاقستان.
قوستانايدا قازاقستان مەن رەسەيدٸڭ ٶڭٸرارالىق ىنتىماقتاستىق فورۋمىن ۇيىمداستىرۋ ٷشٸن 13 ملرد تەڭگەگە جۋىق قاراجات جۇمسالعانى حابارلانعان بولاتىن. قالاعا رەسەي پرەزيدەنتٸ ۆلاديمير پۋتين بارادى دەپ جوسپارلانعان ەدٸ. الايدا كەيٸن پۋتين توقاەۆپەن بٸرگە فورۋمعا استانادان بەينەبايلانىس رەجيمٸندە قاتىساتىنى بەلگٸلٸ بولدى.
وسىعان بايلانىستى جۋرناليستەر قۋانتىروۆتان ميللياردتاعان اقشا بوسقا جۇمسالمادى ما دەپ سۇرادى.
"مەن بۇل فورۋممەن اينالىسقان جوقپىن, بٸراق قالاداعى كەز كەلگەن ينفراقۇرىلىم جەرگٸلٸكتٸ تۇرعىندارعا قالادى. ٸس-شارا ٶتەدٸ, رەسەيدٸڭ شەكارالاس ٶڭٸرلەرٸنەن كەسٸپكەرلەر كەلەدٸ, بٸزدٸڭ بيزنەسمەندەر, مەملەكەتتٸك قىزمەتكەرلەر قاتىسادى. سودان كەيٸن كەز كەلگەن نىسان, سونىڭ ٸشٸندە ۆيزيت-ورتالىق ٶڭٸردٸ دامىتۋ ٷشٸن قاجەت", - دەدٸ ۇلتتىق ەكونوميكا مينيسترٸ مەجٸلٸس كۋلۋارىندا.
مىسالى, مينيستردٸڭ ايتۋىنشا, قازٸر كٶپتەگەن وبلىس ورتالىعىندا, ٶكٸنٸشكە قاراي, قوناق ٷيلەر جوق.
"استانا, الماتى, شىمكەنت, اتىراۋ, ماڭعىستاۋدا ەلەمدٸك برەندتەر بار. 4-5 جۇلدىزدى قوناق ٷيلەر ينۆەستورلاردىڭ قىزىعۋشىلىعىن تۋدىرادى. جاقىندا مەن ورالدا بولدىم. قالادا ٸس جٷزٸندە جالعىز عانا قوناق ٷي بار ەكەن", - دەيدٸ قۋانتىروۆ.
ول بولاشاقتا ينفراقۇرىلىم نىساندارىن ينۆەستيتسييالىق تارتىمدىلىق ٷشٸن پايدالانۋعا بولاتىنىن ايتتى.
ايتا كەتەيٸك, مەملەكەت باسشىسى قاسىم-جومارت توقاەۆتىڭ شاقىرۋىمەن 9 قاراشادا رەسەي فەدەراتسيياسىنىڭ پرەزيدەنتٸ ۆلاديمير پۋتين استاناعا رەسمي ساپارمەن كەلەدٸ.
ساپار بارىسىندا ەكٸ ەل باسشىلارى كەلٸسسٶز جٷرگٸزٸپ, قازاقستان مەن رەسەي اراسىنداعى ستراتەگييالىق سەرٸكتەستٸكتٸڭ ٶزەكتٸ مەسەلەلەرٸن تالقىلايدى دەپ جوسپارلانىپ وتىر.
بۇدان بٶلەك, پرەزيدەنتتەر قوستانايدا ٶتەتٸن قازاقستان مەن رەسەيدٸڭ XIX ٶڭٸرارالىق ىنتىماقتاستىق فورۋمىنا بەينەبايلانىس رەجيمٸندە قاتىسادى.
