QR Densaýlyq saqtaý ministri koronavirýstyń resmi statistikasy boiynsha qaitys bolǵan 48 adamnan bólek taǵy 37 adam kóz jumǵanyn aitty, dep habarlaidy QazAqparat.
Eljan Birtanovtyń atap ótýinshe, búginge deiin koronavirýspen tirkelgen 12 124 adamnyń 48-i qaitys boldy. Bul - naýqastardyń 0,4 paiyzy.
«Árine, budan bólek 37 jaǵdaida basqa aýrýdan qaitys bolǵan naýqasta koronavirýs bolǵandyqtan, olar da tirkeýge alyndy. Biraq, bizdiń resmi statistikaǵa kirgizgen joqpyz. Onyń sebebi - Dúniejúzilik densaýlyq saqtaý uiymynyń tártibi, reglamenti boiynsha diagnoz qoiamyz», - dedi ol.
Ministrdiń sózine sensek, Qazaqstanda koronavirýs juqtyrǵandardyń 1 paiyzy ǵana aýyr jaǵdaida. Buǵan qosa elimizde 100 myń turǵynǵa shaqqanda virýstan kóz jumǵandardyń úlesi - 0,3 paiyz.
«Bul ózge kóptegen elderge qaraǵanda aitarlyqtai tómen kórsetkish sanalady. Buǵan qosa, biz tsifrlardyń jasandy túrde tómendetilýine jol bermeimiz. Zerthanada dáleldendegen jaǵdaidyń bárin bilemiz», - dedi Eljan Birtanov.
