قر دەنساۋلىق ساقتاۋ مينيسترٸ كوروناۆيرۋستىڭ رەسمي ستاتيستيكاسى بويىنشا قايتىس بولعان 48 ادامنان بٶلەك تاعى 37 ادام كٶز جۇمعانىن ايتتى, دەپ حابارلايدى قازاقپارات.
ەلجان بٸرتانوۆتىڭ اتاپ ٶتۋٸنشە, بٷگٸنگە دەيٸن كوروناۆيرۋسپەن تٸركەلگەن 12 124 ادامنىڭ 48-ٸ قايتىس بولدى. بۇل - ناۋقاستاردىڭ 0,4 پايىزى.
«ەرينە, بۇدان بٶلەك 37 جاعدايدا باسقا اۋرۋدان قايتىس بولعان ناۋقاستا كوروناۆيرۋس بولعاندىقتان, ولار دا تٸركەۋگە الىندى. بٸراق, بٸزدٸڭ رەسمي ستاتيستيكاعا كٸرگٸزگەن جوقپىز. ونىڭ سەبەبٸ - دٷنيەجٷزٸلٸك دەنساۋلىق ساقتاۋ ۇيىمىنىڭ تەرتٸبٸ, رەگلامەنتٸ بويىنشا دياگنوز قويامىز», - دەدٸ ول.
مينيستردٸڭ سٶزٸنە سەنسەك, قازاقستاندا كوروناۆيرۋس جۇقتىرعانداردىڭ 1 پايىزى عانا اۋىر جاعدايدا. بۇعان قوسا ەلٸمٸزدە 100 مىڭ تۇرعىنعا شاققاندا ۆيرۋستان كٶز جۇمعانداردىڭ ٷلەسٸ - 0,3 پايىز.
«بۇل ٶزگە كٶپتەگەن ەلدەرگە قاراعاندا ايتارلىقتاي تٶمەن كٶرسەتكٸش سانالادى. بۇعان قوسا, بٸز تسيفرلاردىڭ جاساندى تٷردە تٶمەندەتٸلۋٸنە جول بەرمەيمٸز. زەرتحانادا دەلەلدەندەگەن جاعدايدىڭ بەرٸن بٸلەمٸز», - دەدٸ ەلجان بٸرتانوۆ.
