Ekologiia, geologiia jáne tabiǵi resýrstar ministri Serikqali Brekeshev Úkimet otyrysynda Kókjide jerasty sýynyń lastaný máselesin kóterdi, dep habarlaidy QazAqparat.
«Aqtóbe oblysyndaǵy Kókjide jerasty sýynyń munai ónimderimen lastanýy - nazar aýdarýdy qajet etetin mańyzdy másele bolyp otyr. Kókjide ýltrapressti jerasty sýy batys óńirde biregei sanalady jáne onyń áleýetin sapaly aýyz sýǵa tapshy Aqtóbe, Atyraý jáne Mańǵystaý oblystarynyń halqyn sýmen qamtamasyz etýge paidalanýǵa bolady», - dedi Ekologiia ministri Úkimet otyrysynda.
Ministrdiń aitýynsha, Kókjide aýmaǵynda 8 jer qoinaýyn paidalanýshy kómirsýtek shikizatyn barlaý jáne óndirý jumystaryn júrgizýde.
«Ártúrli kezeńde memlekettik organdar men jergilikti atqarýshy organdar Kókjide aýmaǵynda jer asty sýlarynyń munai ónimderimen lastaný faktilerin anyqtaǵanyn aita ketken jón. Osyǵan bailanysty Kókjide sý qoryn qosymsha barlaý jumystary júrgizildi. Táýligine 173,4 myń tekshe metr kóleminde jerasty sýynyń qory bekitildi jáne Kókjide ken ornynyń shekarasy anyqtaldy. Jer qoinaýyn paidalanýshylardyń vedomstvolyq jelisiniń uńǵymalary boiynsha synama men taldaý alynyp, qospalardyń bar ekendigin kórsetti. Alaida, munai ónimderi boiynsha shekti ruqsat etilgen kontsentratsiiadan asyp ketý faktisi anyqtalmaǵan», - dedi Brekeshev.
Jerasty sýynyń lastanýyna jol bermes úshin Ekologiia ministri Úkimet basshysyna ótinish jasady.
Atap aitqanda Kókjideniń shekarasy sheginde jer qoinaýyn paidalanýshylardyń qyzmetin kezeń-kezeńimen toqtatý boiynsha shara qabyldaýdy, al Aqtóbe oblysynyń ákimdigine jerasty sýynyń monitoringin kúsheitýdi tapsyrýdy surady.
