ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ ٷكٸمەت وتىرىسىندا كٶكجيدە جەراستى سۋىنىڭ لاستانۋ مەسەلەسٸن كٶتەردٸ, دەپ حابارلايدى قازاقپارات.
«اقتٶبە وبلىسىنداعى كٶكجيدە جەراستى سۋىنىڭ مۇناي ٶنٸمدەرٸمەن لاستانۋى - نازار اۋدارۋدى قاجەت ەتەتٸن ماڭىزدى مەسەلە بولىپ وتىر. كٶكجيدە ۋلتراپرەسستٸ جەراستى سۋى باتىس ٶڭٸردە بٸرەگەي سانالادى جەنە ونىڭ ەلەۋەتٸن ساپالى اۋىز سۋعا تاپشى اقتٶبە, اتىراۋ جەنە ماڭعىستاۋ وبلىستارىنىڭ حالقىن سۋمەن قامتاماسىز ەتۋگە پايدالانۋعا بولادى», - دەدٸ ەكولوگييا مينيسترٸ ٷكٸمەت وتىرىسىندا.
مينيستردٸڭ ايتۋىنشا, كٶكجيدە اۋماعىندا 8 جەر قويناۋىن پايدالانۋشى كٶمٸرسۋتەك شيكٸزاتىن بارلاۋ جەنە ٶندٸرۋ جۇمىستارىن جٷرگٸزۋدە.
«ەرتٷرلٸ كەزەڭدە مەملەكەتتٸك ورگاندار مەن جەرگٸلٸكتٸ اتقارۋشى ورگاندار كٶكجيدە اۋماعىندا جەر استى سۋلارىنىڭ مۇناي ٶنٸمدەرٸمەن لاستانۋ فاكتٸلەرٸن انىقتاعانىن ايتا كەتكەن جٶن. وسىعان بايلانىستى كٶكجيدە سۋ قورىن قوسىمشا بارلاۋ جۇمىستارى جٷرگٸزٸلدٸ. تەۋلٸگٸنە 173,4 مىڭ تەكشە مەتر كٶلەمٸندە جەراستى سۋىنىڭ قورى بەكٸتٸلدٸ جەنە كٶكجيدە كەن ورنىنىڭ شەكاراسى انىقتالدى. جەر قويناۋىن پايدالانۋشىلاردىڭ ۆەدومستۆولىق جەلٸسٸنٸڭ ۇڭعىمالارى بويىنشا سىناما مەن تالداۋ الىنىپ, قوسپالاردىڭ بار ەكەندٸگٸن كٶرسەتتٸ. الايدا, مۇناي ٶنٸمدەرٸ بويىنشا شەكتٸ رۇقسات ەتٸلگەن كونتسەنتراتسييادان اسىپ كەتۋ فاكتٸسٸ انىقتالماعان», - دەدٸ برەكەشەۆ.
جەراستى سۋىنىڭ لاستانۋىنا جول بەرمەس ٷشٸن ەكولوگييا مينيسترٸ ٷكٸمەت باسشىسىنا ٶتٸنٸش جاسادى.
اتاپ ايتقاندا كٶكجيدەنٸڭ شەكاراسى شەگٸندە جەر قويناۋىن پايدالانۋشىلاردىڭ قىزمەتٸن كەزەڭ-كەزەڭٸمەن توقتاتۋ بويىنشا شارا قابىلداۋدى, ال اقتٶبە وبلىسىنىڭ ەكٸمدٸگٸنە جەراستى سۋىنىڭ مونيتورينگٸن كٷشەيتۋدٸ تاپسىرۋدى سۇرادى.
