© Photo: Press-slýjba akima Týrkestanskoi oblasti
Aýyl sharýashylǵy ministri Erbol Qarashókeev arzandaǵan kókónis túrlerin atady, dep habarlaidy Sputnik Qazaqstan.
Qazirgi kezde barlyq óńirde kókónis ónimderin jinaý sharalary jalǵasyp jatyr. 22 qyrkúiekke deiin 1,3 mln tonna piiaz ben 2,4 mln tonna kartop jinaldy. Qyryqqabat pen sábizdiń kólemi az emes.
"Búgingi tańda kókónis ónimderine baǵanyń tómendegeni baiqalyp otyr. Mysaly, negizgi óndirýshi óńirlerde piiaz baǵasy 30-50 teńgeniń arasynda, kartoptyń baǵasy – 95-100 teńge, sábiz – 85-100 teńge, al qyryqqabattyń baǵasy 50 teńgege deiin tómendedi", - dedi Qarashókeev ortalyq kommýnikatsiialar qyzmetinde ótken brifingte.
Ministrdiń aitýynsha, bunyń barlyǵy – kóterme baǵa. Jinalǵan ónim sondai baǵaǵa satylady, ary qarai sórege túskenshe taǵy qosylady.
