Qazaqstanda avtokólik júrgizýshileriniń shaǵymdaryna orai «Rýbej» statsionarlyq beketteri qysqartyldy. Bul týraly QR Ishki ister ministri Erlan Turǵymbaev málim etti, dep habarlaidy QazAqparat.
Búgin Parlament Senatyndaǵy Úkimet saǵatynda 2019-2021 jyldarǵa arnalǵan ishki ister organdaryn jańǵyrtý boiynsha Jol kartasyn iske asyrý taqyryby talqylandy.
«Eldiń ishinde turǵan «Rýbej» statsionarlyq beketteri qysqartyldy. Atap aitqanda, avtokólik júrgizýshileri tarapynan shaǵymdar kóp túsken edi, iaǵni osy beketterde kólikter esh sebepsiz toqtatylatyny aitylǵan edi», - dedi ministr.
Onyń sózine qaraǵanda, atalǵan beketter jumysyn toqtatý nátijesinde qylmystylyq jaǵdaidyń ýshyǵýy oryn almaǵan.
«Atalǵan beketterden bosaǵan 300 qyzmetker qoǵamdyq tártipti saqtaý sharalaryna jumyldyryldy», - dedi Erlan Turǵymbaev.
