قازاقستاندا اۆتوكٶلٸك جٷرگٸزۋشٸلەرٸنٸڭ شاعىمدارىنا وراي «رۋبەج» ستاتسيونارلىق بەكەتتەرٸ قىسقارتىلدى. بۇل تۋرالى قر ٸشكٸ ٸستەر مينيسترٸ ەرلان تۇرعىمباەۆ مەلٸم ەتتٸ, دەپ حابارلايدى قازاقپارات.
بٷگٸن پارلامەنت سەناتىنداعى ٷكٸمەت ساعاتىندا 2019-2021 جىلدارعا ارنالعان ٸشكٸ ٸستەر ورگاندارىن جاڭعىرتۋ بويىنشا جول كارتاسىن ٸسكە اسىرۋ تاقىرىبى تالقىلاندى.
«ەلدٸڭ ٸشٸندە تۇرعان «رۋبەج» ستاتسيونارلىق بەكەتتەرٸ قىسقارتىلدى. اتاپ ايتقاندا, اۆتوكٶلٸك جٷرگٸزۋشٸلەرٸ تاراپىنان شاعىمدار كٶپ تٷسكەن ەدٸ, ياعني وسى بەكەتتەردە كٶلٸكتەر ەش سەبەپسٸز توقتاتىلاتىنى ايتىلعان ەدٸ», - دەدٸ مينيستر.
ونىڭ سٶزٸنە قاراعاندا, اتالعان بەكەتتەر جۇمىسىن توقتاتۋ نەتيجەسٸندە قىلمىستىلىق جاعدايدىڭ ۋشىعۋى ورىن الماعان.
«اتالعان بەكەتتەردەن بوساعان 300 قىزمەتكەر قوعامدىق تەرتٸپتٸ ساقتاۋ شارالارىنا جۇمىلدىرىلدى», - دەدٸ ەرلان تۇرعىمباەۆ.
