QR premer-ministriniń orynbasary, saýda jáne integratsiia ministri Baqyt Sultanov Qazaqstanda qant tapshylyǵy baryn moiyndady, - dep habarlaidy Tengrinews.kz agenttigi.
Ministr qant tapshylyǵy Resei Federatsiiasynyń qant eksportyna salǵan tyiymyna bailanysty ekenin aitty. Onyń sózinshe, EEK Keńesiniń 2022 jyl 15 sáýirdegi sheshimi sheńberinde Qazaqstan Respýblikasyna 2022 jylǵy 31 tamyzǵa deiin 350 myń tonna kóleminde aq qant pen shiki quraq qantty bajsyz ákelý quqyǵy berilgen.
Sondai-aq, ol "QTJ" UK" AQ búginde Qazaqstan Respýblikasynyń aýmaǵynda qant tielgen 152 vagon (10 myń tonnadan asa) kele jatqanyn, 58 vagon túsirý ornyna jetkenin, 94 vagon mejeli stantsiiaǵa 7 táýlik ishinde keletinin aitty.
"Biyl 27 mamyrda Nur-Sultan qalasyna "Azyq-túlik kelisim shart korporatsiiasy" 2 vagon qant (shamamen 130 tonna) kelip tústi. Al 30 mamyrda Nur-Sultanǵa kelgen qantty Magnum saýda jelisi satyp aldy, ol bólshek saýda oryndaryna jetkizilip jatyr", - dedi ministr.
