قر پرەمەر-مينيسترٸنٸڭ ورىنباسارى, ساۋدا جەنە ينتەگراتسييا مينيسترٸ باقىت سۇلتانوۆ قازاقستاندا قانت تاپشىلىعى بارىن مويىندادى, - دەپ حابارلايدى Tengrinews.kz اگەنتتٸگٸ.
مينيستر قانت تاپشىلىعى رەسەي فەدەراتسيياسىنىڭ قانت ەكسپورتىنا سالعان تىيىمىنا بايلانىستى ەكەنٸن ايتتى. ونىڭ سٶزٸنشە, ەەك كەڭەسٸنٸڭ 2022 جىل 15 سەۋٸردەگٸ شەشٸمٸ شەڭبەرٸندە قازاقستان رەسپۋبليكاسىنا 2022 جىلعى 31 تامىزعا دەيٸن 350 مىڭ توننا كٶلەمٸندە اق قانت پەن شيكٸ قۇراق قانتتى باجسىز ەكەلۋ قۇقىعى بەرٸلگەن.
سونداي-اق, ول "قتج" ۇك" اق بٷگٸندە قازاقستان رەسپۋبليكاسىنىڭ اۋماعىندا قانت تيەلگەن 152 ۆاگون (10 مىڭ توننادان اسا) كەلە جاتقانىن, 58 ۆاگون تٷسٸرۋ ورنىنا جەتكەنٸن, 94 ۆاگون مەجەلٸ ستانتسيياعا 7 تەۋلٸك ٸشٸندە كەلەتٸنٸن ايتتى.
"بيىل 27 مامىردا نۇر-سۇلتان قالاسىنا "ازىق-تٷلٸك كەلٸسٸم شارت كورپوراتسيياسى" 2 ۆاگون قانت (شامامەن 130 توننا) كەلٸپ تٷستٸ. ال 30 مامىردا نۇر-سۇلتانعا كەلگەن قانتتى Magnum ساۋدا جەلٸسٸ ساتىپ الدى, ول بٶلشەك ساۋدا ورىندارىنا جەتكٸزٸلٸپ جاتىر", - دەدٸ مينيستر.
