Foto:olympic.kz
Týrizm jáne Sport ministri Ermek Marjyqpaev Májiliste ótken jiynda Qazaqstan quramasy Parijdegi XXXIII jazǵy Olimpiada oiyndaryna qalai daiyndalyp jatqanyn aitty dep habarlaidy "Ult Aqparat".
Ministrdiń sózinshe Qazaqstan quramasy sporttyń 20 túrinen qatysýdy josparlap otyr. Qazirgi ýaqytta sporttyń 13 túri boiynsha 33 litsenziia bar.
"Ulttyq qurama Olimpiadaǵa deiin taǵy 40-tan astam litsenziialyq jáne reitingtik jarystarǵa qatysady. Litsenziia men Olimpiada medalyn jeńip alýǵa múmkindigi bar 56 potentsialdy sportshydan turatyn pýl quryldy. Olimpiadaǵa daiyndyq Shtaby jumys isteidi. Shtab barlyq múddeli taraptyń ózara is-qimylyn úilestiretin ortalyq retinde qyzmet etedi", -dedi ministr.
Sondai-aq, Olimpiadalyq formanyń dizainyna qatysty 15 sáýirde komissiia jumysynyń qorytyndysy shyǵarylyp, konkýrs jeńimpazy anyqtalǵan eken.
Ministrlik formany eskiz boiynsha tigýge tolyqtai sponsorlyq qarajat tartýdy josparlap otyrǵandaryn aitty.
"Bul sapany jaqsartýǵa jáne sportshylardyń qalaýlaryn eskerýge múmkindik beredi", -dep otyr Ermek Marjyqpaev.
