فوتو:olympic.kz
تۋريزم جەنە سپورت مينيسترٸ ەرمەك مارجىقپاەۆ مەجٸلٸستە ٶتكەن جيىندا قازاقستان قۇراماسى پاريجدەگٸ XXXIII جازعى وليمپيادا ويىندارىنا قالاي دايىندالىپ جاتقانىن ايتتى دەپ حابارلايدى "ۇلت اقپارات".
مينيستردٸڭ سٶزٸنشە قازاقستان قۇراماسى سپورتتىڭ 20 تٷرٸنەن قاتىسۋدى جوسپارلاپ وتىر. قازٸرگٸ ۋاقىتتا سپورتتىڭ 13 تٷرٸ بويىنشا 33 ليتسەنزييا بار.
"ۇلتتىق قۇراما وليمپياداعا دەيٸن تاعى 40-تان استام ليتسەنزييالىق جەنە رەيتينگتٸك جارىستارعا قاتىسادى. ليتسەنزييا مەن وليمپيادا مەدالىن جەڭٸپ الۋعا مٷمكٸندٸگٸ بار 56 پوتەنتسيالدى سپورتشىدان تۇراتىن پۋل قۇرىلدى. وليمپياداعا دايىندىق شتابى جۇمىس ٸستەيدٸ. شتاب بارلىق مٷددەلٸ تاراپتىڭ ٶزارا ٸس-قيمىلىن ٷيلەستٸرەتٸن ورتالىق رەتٸندە قىزمەت ەتەدٸ", -دەدٸ مينيستر.
سونداي-اق, وليمپيادالىق فورمانىڭ ديزاينىنا قاتىستى 15 سەۋٸردە كوميسسييا جۇمىسىنىڭ قورىتىندىسى شىعارىلىپ, كونكۋرس جەڭٸمپازى انىقتالعان ەكەن.
مينيسترلٸك فورمانى ەسكيز بويىنشا تٸگۋگە تولىقتاي سپونسورلىق قاراجات تارتۋدى جوسپارلاپ وتىرعاندارىن ايتتى.
"بۇل ساپانى جاقسارتۋعا جەنە سپورتشىلاردىڭ قالاۋلارىن ەسكەرۋگە مٷمكٸندٸك بەرەدٸ", -دەپ وتىر ەرمەك مارجىقپاەۆ.
