QR Indýstriia jáne infraqurylymdyq damý ministri Qaiyrbek Óskenbaev «Qazaqstannyń aviatsiia ákimshiligi» AQ jańa basshysy Katalin Radýdyń taǵaiyndalýyna qatysty pikir bildirdi, dep habarlaidy QazAqparat.
«Biz aviatsiia ákimshiliginiń memleketke baǵynbai, óz betinshe bólek bolǵanyn qalaimyz. Jeke sýbekt retinde óz aldyna damyp, otandyq áýe qatynasyn sapaly qyzmetpen qamtamasyz etse deimiz. Biz halyqaralyq azamattyq aviatsiia uiymynyń (ICAO -International Civil Aviation Organization) basshylyǵymen sóilestik. Jańa bas direktor - osy salada belgili tulǵa. Birlesip jumys isteimiz, kóremiz. Ózim de ol kisimen jeke suhbattastym, maǵan jaqsy áser qaldyrdy», - dedi Qaiyrbek Óskenbaev ortalyq kommýnikatsiialar qyzmeti alańynda ótken baspasóz máslihatynda.
Eske sala ketsek, Qazaqstannyń aviatsiia ákimshiligi» AQ bas direktory bolyp Katalin Radý taǵaiyndalǵan bolatyn.
Azamattyq aviatsiia komitetiniń málimetine sensek, Katalin Radýdyń azamattyq aviatsiia salasynda úlken tájiribesi bar.
