Elimizde oqýshylardy qashyqtan oqytatyn Bilimland.kz, «Kúndelik» , «Daryn onlain» siiaqty arnaiy platformalar bar. Bul týraly Ortalyq kommýnikatsiialar qyzmetiniń alańynda ótken mektep oqýshylarynyń IV toqsanda qashyqtan oqý júiesine arnalǵan onlain konferentsiiada aityldy, dep habarlaidy QazAqparat.
«Bizde Bilimland.kz , «Kúndelik», «Daryn onlain» siiaqty arnaiy platformalar bar. Ony qazirgi ýaqytta jetildirip, daiyndap qoidyq. Solardyń ishinde ár mektep osy platformalardyń birine toqtalyp, jumys isteidi», - deidi QR Bilim jáne ǵylym ministri Ashat Aimaǵambetov.
Onyń aitýynsha, «Kúndelik» platformasyna synama sabaq ótkizgen kezde 930 myń oqýshy kirip, tiisti dáris alǵan.
«Bizde «Daryn onlain» degen jaqsy platforma bar. Ol jerge 300 myń oqýshy tirkelgen jáne kanikýlǵa qaramastan jumysyn júrgizip jatyr. oqýshylar ol platformany paidalanyp, jaqsy pikir aitýda. Sondai-aq, Bilimland.kz degen kópten beri qoldanystaǵy jaqsy júie bar. Ony qashyqtan oqytý formatyna jetildirip, ózgertý jumystaryn júrgizdik. Bul jerge 390 myń bala tirkelgen», - deidi ol.
