Saýda jáne integratsiia ministri Baqyt Sultanov Qazaqstannyń ishki saýda-sattyǵynyń negizgi úsh problemasyn atady, dep habarlaidy "Ult aqparat".
«Máselen, ishki saýdada búgingi kúni úsh túiindi problema bar. Bul salanyń tiimdi damýyna kedergi keltiretin 3 tapshylyq: birinshisi - zamanaýi saýda formattarynyń azdyǵy, ekinshisi - saýda alańdarynyń jetispeýshiligi, úshinshisi - tiimdi qoima oryndarynyń shekteýligi. Osy problemalar deldaldardyń qyrýar jáne kúńgirt jelisiniń qalyptasýyna alyp keledi», - dedi ministr Úkimet otyrysynda.
Ministrdiń aitýynsha bul problemalar taýardy óndirýshiden tutynýshyǵa deiin ońtaily tizbek boiynsha jetkizýge múmkindik bermeidi.
«Osynyń saldarynan búgin de biz azyq-túlik baǵasynyń negizsiz ósip otyrǵanyn jáne halyqtyń olardy satyp alýǵa aitarlyqtai shyǵyn jumsaitynyn baiqaimyz», - dedi ol.
Eske sala ketsek búgin Úkimet saýdany damytýdyń memlekettik baǵdarlamasynyń 2021-2025 jyldarǵa arnalǵan tujyrymdamasyn bekitken bolatyn.
