© Sputnik / Abzal Kaliev
Ǵylym jáne joǵary bilim ministri Saiasat Nurbek ǵalymdardyń jalaqysy 70 paiyzǵa óskenin málimdedi, dep habarlaidy Sputnik Qazaqstan.
Vedomstvonyń málimetinshe, buǵan deiin ǵalymdardyń eńbekaqysy turaqty bolmaǵan jáne konkýrs nátijesine qarai bekitilgen. Endi olar granttyq jáne baǵdarlamalyq-nysanaly qarjylandyrýǵa arnalǵan konkýrstyq rásimderge qaramastan turaqty eńbekaqy alady.
Reforma 1200-ge jýyq jetekshi ǵalymnyń jalaqysyn 70 paiyzǵa, iaǵni 152 myń teńgeden 257 myń teńgege deiin ulǵaitýǵa múmkindik beredi. Osy sharalar 74 ǵylymi zertteý institýtynyń kadrlyq ári ǵylymi áleýetin jáne otandyq ǵalymdardyń quzyretin nyǵaitýǵa yqpal etedi.
"Ministrlik zertteýshi ǵalymdarǵa qajetti jaǵdai jasaýǵa erekshe kóńil bóledi. Memleket basshysynyń tapsyrmasyn oryndaý aiasynda irgeli ǵylym men zertteý institýttaryn bazalyq qarjylandyrý kólemin ulǵaitý máselesi sheshildi. Ǵylym týraly zańnamaǵa tiisti ózgerister engizildi", – deidi Nurbek.
Aita keteri, ministrlik 2023-2025 jyldarǵa arnalǵan ǵylymi jáne ǵylymi-tehnikalyq jobalar boiynsha granttyq qarjylandyrýǵa, sonyń ishinde jas ǵalymdarǵa arnalǵan konkýrstar jariialady.
