© Sputnik / ابزال كاليەۆ
عىلىم جەنە جوعارى بٸلٸم مينيسترٸ ساياسات نۇربەك عالىمداردىڭ جالاقىسى 70 پايىزعا ٶسكەنٸن مەلٸمدەدٸ, دەپ حابارلايدى Sputnik قازاقستان.
ۆەدومستۆونىڭ مەلٸمەتٸنشە, بۇعان دەيٸن عالىمداردىڭ ەڭبەكاقىسى تۇراقتى بولماعان جەنە كونكۋرس نەتيجەسٸنە قاراي بەكٸتٸلگەن. ەندٸ ولار گرانتتىق جەنە باعدارلامالىق-نىسانالى قارجىلاندىرۋعا ارنالعان كونكۋرستىق رەسٸمدەرگە قاراماستان تۇراقتى ەڭبەكاقى الادى.
رەفورما 1200-گە جۋىق جەتەكشٸ عالىمنىڭ جالاقىسىن 70 پايىزعا, ياعني 152 مىڭ تەڭگەدەن 257 مىڭ تەڭگەگە دەيٸن ۇلعايتۋعا مٷمكٸندٸك بەرەدٸ. وسى شارالار 74 عىلىمي زەرتتەۋ ينستيتۋتىنىڭ كادرلىق ەرٸ عىلىمي ەلەۋەتٸن جەنە وتاندىق عالىمداردىڭ قۇزىرەتٸن نىعايتۋعا ىقپال ەتەدٸ.
"مينيسترلٸك زەرتتەۋشٸ عالىمدارعا قاجەتتٸ جاعداي جاساۋعا ەرەكشە كٶڭٸل بٶلەدٸ. مەملەكەت باسشىسىنىڭ تاپسىرماسىن ورىنداۋ اياسىندا ٸرگەلٸ عىلىم مەن زەرتتەۋ ينستيتۋتتارىن بازالىق قارجىلاندىرۋ كٶلەمٸن ۇلعايتۋ مەسەلەسٸ شەشٸلدٸ. عىلىم تۋرالى زاڭناماعا تيٸستٸ ٶزگەرٸستەر ەنگٸزٸلدٸ", – دەيدٸ نۇربەك.
ايتا كەتەرٸ, مينيسترلٸك 2023-2025 جىلدارعا ارنالعان عىلىمي جەنە عىلىمي-تەحنيكالىق جوبالار بويىنشا گرانتتىق قارجىلاندىرۋعا, سونىڭ ٸشٸندە جاس عالىمدارعا ارنالعان كونكۋرستار جارييالادى.
