Búgin Úkimet otyrysynda QR Qarjy ministri Erulan Jamaýbaev Esep komitetin Joǵary aýditorlyq palata etip qaita qurýǵa qatysty túsinik berdi, dep habarlaidy QazAqparat.
«Esep komiteti táýelsiz joǵary memlekettik aýdit organy retinde biýdjet qarajatynyń syrtqy aýditin qamtamasyz etedi. Bul rette, onyń fýnktsiialary birtindep kúsheie túsýde. Máselen, sońǵy jyldary Esep komiteti respýblikalyq biýdjet jobasyn aldyn ala baǵalaýdy júzege asyrady. Bul der kezinde sharalardy qabyldaý arqyly biýdjettiń tiimsiz shyǵyndaryn odan ári tómendetýge múmkindik beredi. Memleket basshysynyń tapsyrmasyna sáikes Esep komiteti Joǵary aýditorlyq palata bolyp qaita qurylady. Bul rette Parlament tarapynan baqylaý kúsheitiledi. Mundai tájiribe jekelegen damyǵan memleketterde bar», - dedi Jamaýbaev.
Onyń aitýynsha, osynyń barlyǵy Konstitýtsiiany qosa alǵanda, birqatar zańnamalyq aktilerge ózgerister engizýdi talap etedi.
«Barlyq tiisti túzetýler múddeli memlekettik organdarmen birlesip pysyqtalatyn bolady», - dedi ministr.
